Абай облысының жас дзюдошылары Қазақстан чемпионатында жалпы командалық есепте көш бастады

27–30 қараша аралығында Ақтау қаласында 2009–2010 жылы туған жасөспірімдер арасында өткен дзюдодан Қазақстан чемпионаты өз мәресіне жетті.

«Маңғыстау арена» спорт кешенінде төрт күн бойы еліміздің 17 облысы мен 3 қаласынан келген 839 жас спортшы үздік атану үшін өзара бақ сынады.

Абай облысының жас татами шеберлері жоғары нәтижеге қол жеткізіп, 6 алтын және 6 қола медаль иеленді. Осы көрсеткіштің арқасында облыс құрамасы жалпы командалық есепте бірінші орынға ие болды.

Чемпиондар:
– Бекарыс Құдайберген (−50 кг)
– Бақнұр Әбдешова (−40 кг)
– Бекзат Болатбек (−66 кг)
– Нұралы Маулетхан (−73 кг)
– Әлижан Сайлаубеков (−81 кг)
– Диана Сәтенова (+70 кг)

Қола жүлдегерлер:
– Бақдәулет Серікқали (−50 кг)
– Жанель Сарқытбек (−48 кг)
– Жанарыс Мәулетқазы (−73 кг)
– Әміржан Амангелдыев (−73 кг)
– Дамира Айдарқызы (−52 кг)
– Наргиз Габдулманап (+70 кг).

Жеңімпаздарды құттықтаймыз!