Қысқы маусымға дайындық және жаңа оқу жылына жоспар

2025 жылғы 25 тамызда дене шынықтыру және спорт басқармасының ұйымдастыруымен қысқы жылыту маусымы мен 2025–2026 оқу жылына дайындық мәселелеріне арналған кеңейтілген жиын өтті.

Жиынға басқармаға бағынысты мекеме директорлары, спорт түрлері бойынша аға жаттықтырушылар және сала мамандары қатысты.

Абай облысының дене шынықтыру және спорт басқармасының басшысы Ержан Ануарбекұлы спорт нысандарын қысқы маусымға сапалы дайындаудың маңыздылығына тоқталды:

“Қауіпсіз әрі жайлы жағдай жасалмаған жағдайда балалардың спортпен тұрақты айналысуына кедергі туындайды. Әр спорт кешені мен жаттығу залы қысқы жылу маусымына толық дайын болуы тиіс.”

Сонымен қатар жаңа оқу жылына жоспарланған спорттық іс-шаралар мен оқу-жаттығу үдерісін жүйелі ұйымдастыру бойынша нақты тапсырмалар берілді.

Барлық жұмыстар кезең-кезеңімен атқарылып, қатаң бақылауда болады .