Абай облысы бойынша 2026 жылға шетелдік жұмыс күшін тартуға арналған квота

ҚР Еңбек және халықты әлеуметтік қорғау министрлігі ішкі еңбек нарығын қорғау мақсатында жыл сайын жұмыс берушілердің қажеттіліктері бойынша Қазақстанға шетелдік жұмыс күшін (бұдан әрі – ШЖК) тартуға квота мөлшерін бекітіп, бөледі. 2026 жылы бөлінген жалпы квота саны еліміздегі жұмыс күшінің 0,25% мөлшерінде белгіленді. Бұдан басқа, 2026 жылы үй шаруашылықтарында жұмыс істеу үшін еңбек көшіп келушілерді тартуға арналған квота республикадағы жұмыс күшінің санына қатысты 2,9% мөлшерінде белгіленген.

Қазақстан Республикасының Еңбек және халықты әлеуметтік қорғау министрінің міндетін атқарушының 2025 жылғы 30 желтоқсандағы № 427 бұйрығымен 2026 жылға Абай облысына 300 бірлік квота бөлінген, оның ішінде
I санаты бойынша – 5 бірлік, II санаты бойынша – 76 бірлік, III санаты бойынша – 89 бірлік, IV санаты бойынша – 62 бірлік, маусымдық шетелдік жұмыскерлер бойынша – 68 бірлік. 

Сондай-ақ үй шаруашылықтарында жұмыс істеу үшін еңбекші көшіп келушілерді тартуға 2000 бірлік мөлшерінде бекітілді.