Абай облысында атаулы әлеуметтік көмек алушылар саны азайып келеді

Абай облысында атаулы әлеуметтік көмек алушылар саны жыл сайын төмендеуде. Жылдың басынан 1,7 млрд теңгеден астам қаражат 14 111 адамға (2 781 отбасыға) төленді.
Сонымен қатар, 1 жастан 6 жасқа дейінгі 4 035 балаға 183.2 млн теңге көлемінде қосымша ай сайынғы кепілдендірілген көмек көрсетілді. Әр балаға 1,5 АЕК, яғни 5 898 теңгеден төленді.
Атаулы әлеуметтік көмек алушылардың басым бөлігін көпбалалы отбасылар құрайды – 8 407 адам.
Өткен жылдың сәйкес кезеңімен салыстырғанда атаулы әлеуметтік көмек алушылар саны 4 275 адамға немесе 866 отбасыға азайды. Бұл өңірде халықтың әлеуметтік-экономикалық жағдайының біртіндеп жақсарып келе жатқанын көрсетеді.