2026 жылға арналған шетелдік жұмыс күшінің қажеттілігіне өтінім беру туралы
Абай облысының жұмыспен қамту және әлеуметтік бағдарламаларды үйлестіру басқармасы ,«Қазақстан Республикасына шетелдік жұмыс күшін тартуға арналған квотаны белгілеу және оны облыстар, республикалық маңызы бар қалалар, астана арасында бөлу қағидаларын бекіту туралы» Қазақстан Республикасы Премьер-Министрінің орынбасары - Еңбек және халықты әлеуметтік қорғау министрінің 2023 жылғы 30 маусымдағы № 274 бұйрығының 6-тармағына сәйкес, 2026 жылға шетелдік жұмыс күшін тартуға (қажеттіліктерді) өтінім беру қажеттілігі туралы хабарлайды .
2026 жылға жұмыс берушінің шетелдік жұмыс күшін тартуға арналған өтінім (қажеттілік) келесі талаптарға сай болуы керек:
1) Заңды тұлғаның толық атауы немесе (жеке тұлғаның тегі, аты, әкесінің аты (бар болса)), заңды мекенжайы көрсетіле отырып, өтінім Қағидаларға 1-қосымшаға сәйкес мемлекеттік және орыс тілдерінде беріледі;
2) Өтінім заңды тұлғаның толық атауы немесе жеке тұлғаның тегі, аты, әкесінің аты, заңды мекенжайы, БСН/ЖСН, электрондық пошта мекенжайы, телефон нөмірі, жауапты тұлғаның байланыс деректері көрсетілген ілеспе хатпен (басшының қолымен және мөрімен расталған, шығыс нөмірі мен шығыс күнімен) жолданады;
3) Өтінімде 5 таңбалы санмен экономикалық қызмет түрін міндетті түрде көрсетумен (мысалы: 07292 – мыс рудасын өндіру және байыту) шетелдік жұмыс күшін тарту негіздемесі толық сипатталуы тиіс.
Өтінім беру уақыты: 2025 жылғы 30 қыркүйекке сағат 18-30 дейін.
Өтінім қайда беріледі:
– қағаз түрінде Абай облысының жұмыспен қамту және әлеуметтік бағдарламаларды үйлестіру басқармасының кеңсесіне (Семей қаласы, Қозбағаров көшесі, 40, 314 кабинет);
– электрондық нұсқасын g.akimbaeva@akimatabai.gov.kz электрондық мекен-жайға жіберіледі, және электрондық тасымалдауыш болса Абай облысының жұмыспен қамту және әлеуметтік бағдарламаларды үйлестіру басқармасының 314 кабинетіне (Семей қаласы, Қозбағаров көшесі, 40).
Байланыс деректері: 8 (7222) 36-01-58, 87478298101, g.akimbaeva@akimatabai.gov.kz.