Ардагерге құрмет – ұрпаққа өнеге
Семей қаласы әкімінің міндетін атқарушы Бекжан Бапышев тыл және еңбек ардагері, Гүлшар Жөкебаеваны Ұлы Жеңістің 80 жылдық мерекесімен арнайы барып құттықтады.
Ардагер ананың ерен еңбегі мен өмірлік тәжірибесі – жас ұрпақ үшін тағылымға толы үлгі. Қиын-қыстау жылдары тылда тер төккен аналарымыздың ерлігі мен төзімділігі – Ұлы Жеңістің бір бөлігі екені сөзсіз. Гүлшар Жөкебаева Бекжан Бапышевқа шынайы алғысын білдіріп, ақ батасын берді.
«Отанымыз аман болсын, елде тыныштық орнасын. Енді соғысты көрмейік, ұрпағымыз бейбіт өмір сүрсін. Жұмыстарыңыз берекелі, халыққа пайдалы болсын», – деді Батыр ана жүрекжарды тілегін арнап.
Бекжан Бапышев ардагердің ілтипатына ризашылық білдіріп, оған зор денсаулық, ұзақ ғұмыр тілеп, алғысын жеткізді.