Семейде ерекше білім беру қажеттілігі бар балалар үшін сырғанақ ұйымдастырылды

Бүгін Семей қаласы әкімдігінің ұйымдастыруымен Ерекше білім беру қажеттілігі бар балаларды қолдау орталығы мен “Семей қаласының арнаулы әлеуметтік қызметтерге мұқтаж балаларды қолдау орталығы” КММ тәрбиеленушілері үшін қысқы сырғанаққа бару ұйымдастырылды.

Шара барысында балаларға сырғанақта қауіпсіздік ережелері жан-жақты түсіндіріліп, олардың демалысын көңілді әрі қауіпсіз өткізу үшін барлық жағдай жасалды.