Семей қаласында жыл басынан бері 147 мүгедектігі бар адам жұмысқа орналасты

2024 жылдың 10 айында Семей қаласының Кәсіптік бағдар беру орталығына 353 мүгедектігі бар азамат жүгінді. Жүгінген азаматтардың 147-і жұмысқа орналастырылды, оның ішінде тұрақты жұмыс орындарына – 43 адам, субсидияланатын (уақытша) жұмыс орындарына – 104 адам орналасты.

Абай облысының әкімінің қаулысымен 2024 жылға мүгедек азаматтарды жұмысқа орналастыру үшін 101 кәсіпорында 625 жұмыс орнына квота белгіленді. Осы квота шеңберінде 9 адам жұмысқа орналастырылды.

Семей қаласында мүгедектігі бар азаматтардың жеке мүмкіндіктерін ескере отырып, 5 арнайы жұмыс орны құрылды.

Қысқа мерзімді кәсіби оқытумен 4 адам қамтылды, кәсіпкерлік негіздеріне 51 адам оқытылды. 14 адам жаңа бизнес идеяларын іске асыру үшін қайтарымсыз мемлекеттік грант алды.