: Семей қаласында Президенттік көпсайыстан қалалық біріншілік өтті

Қазақстан халқының бірлігі күні мерекесіне орай, Семей қаласында жазғы президенттік көпсайыстан (полиатлон) қалалық біріншілік ұйымдастырылды.

«Ұлт денсаулығы» мемлекеттік бағдарламасы аясында өткен бұл іс-шара жастар арасында салауатты өмір салтын насихаттауды және спорттық шеберлікті арттыруды мақсат етті.

Жарыс бағдарламасына сәйкес қатысушылар нысана көздеу, күштік гимнастика және кросс түрлері бойынша сынға түсті.

Додаға 12 жастан бастап 60 жастан асқан ардагерлерге дейінгі спорт сүйер қауым белсенді қатысты.