Семей қаласы әкімдігінің интернет-ресурсына және eGov Mobile мобильді қосымшасына «Халық қатысатын бюджет» сервисі бойынша нұсқаулық

Семей қаласының әкімдігі 2026 жылғы 20 қаңтардан бастап 1 наурызға дейін тұрғындардың 2027 жылға арналған «Халық қатысатын бюджет» (бұдан әрі – ХҚБ) жобасы бойынша өтінімдерін қабылдайды, оның шеңберінде азаматтар жергілікті бюджетті бөлуге қатыса алады.

1 кезең

Қала тұрғындары келесі бағыттар бойынша жобалық ұсыныстар ұсына алады (автор тек бір жобалық ұсыныс бере алады):

1. аумақты көгалдандыру;
2. тротуарларды жайластыру;
3. тротуарларды, пандустарды, арықтарды салу және жөндеу;
4. ортақ пайдалану орындарын құру, жөндеу және жарықтандыру (саябақтар, скверлер, жаяу жүргіншілер аймақтары, көшелер және өзге де объектілер);
5. бордюрлерді, брусчаткаларды, тіреуіш қабырғаларды жөндеу;
6. қоқыс тастайтын жерлерді жою;
7. ортақ пайдалану орындарында күркелер, орындықтар, урналар және балалардың ойнауы және ересек тұрғындардың демалуы үшін жабдықтар мен конструкциялар орнату және жөндеу;
8. аула аумақтарында және ортақ пайдалану орындарында спорттық (жаттығу алаңдарын, футбол, баскетбол, волейбол алаңдарын), балалар ойын алаңдарын орнату, жөндеу және жарықтандыру;
9. санитарияны қамтамасыз ету.

Жобалық ұсыныстарға қойылатын талаптар:

1) жобалық ұсыныстың атауы бір ұсыныс шегінде қысқаша баяндалуы тиіс және ұсынылатын жобалық ұсыныстың мақсатына қайшы келмеуі тиіс;

2) жобалық ұсыныстар келесі критерийлерге сәйкес келуі керек:

бір өтінім – бір объект;

жалпы пайдалану объектісі;

қала тұрғындары үшін өзектілігі;

мақсат пен нәтиженің үйлесімділігі;

қаржы жылы ішінде іске асыру мүмкіндігі;

3) жобалық ұсынысты іске асыру әкімдіктің құзыреті шегінде болуға тиіс;

4) жобалық ұсыныста жобаның атауын, сипаттамасын, іске асыру орнын және байланыс деректері бар жоба авторының тегін, атын, әкесінің атын көрсету қажет.

Қарауға қабылданбайтын жобалық ұсыныстар:

1) біртұтас емес, бірақ фрагменттік сипатқа ие (болашақта элементтердің бірін орындау қосымша элементтерді енгізуді қажет етеді);

2) қаланы дамыту басымдықтарына және Қазақстан Республикасының заңнамасына сәйкес келмейді;

3) жеке коммерциялық сипаттағы жобалық ұсыныстарды іске асыруды көздейді;

4) тек жобалау-сметалық құжаттаманы әзірлеуге арналған;

5) соңғы бес жыл ішінде абаттандыру жұмыстары жүргізілген аула аумақтары;

6) қала тұрғындары үшін шектеулі қолжетімділік бар;

7) балағат сөздер, жала жабу, қорлау, зорлық-зомбылыққа шақыру және
тағыда басқалар.

Жобалық ұсыныстар электрондық түрде қалалық әкімдіктің интернет-ресурсында (https://www.gov.kz/memleket/entities/abay-semey?lang=kk) «Халық қатысатын бюджет 2026» бөлімінде беріледі.

Автор жобалық ұсынысқа болжамды немесе дәл сметалық есептеуді, жобаның фотосуретін/эскизін/макетін/схемасын қоса беруі керек.

Тұрғындардан жобалық ұсыныстарды жинау 2026 жылғы 1 наурызға дейін жүзеге асырылады.

2 кезең

Жобалау ұсыныстарын қабылдау мерзімінің аяқталу қорытындысы бойынша сараптама кеңесі 2026 жылғы 5 сәуірге дейінгі мерзімде келіп түскен жобалау ұсыныстарын талдауды жүзеге асыратын болады.

Іске асырылуы Қазақстан Республикасы заңнамасының талаптарына сәйкес келетін жобалық ұсыныстар дауыс беруді өткізу үшін ресми интернет-ресурста және бұқаралық ақпарат құралдарында орналастырылатын болады.

3 кезең

2026 жылдың 24 сәуіріне дейін кәмелетке толған тұрғындар дауыс беруге қатыса алады. Дауыс беру үшін Семей қаласы әкімдігінің сайтында өзіңізге ұнайтын жобаны таңдап, «Халық қатысатын бюджет 2026» бөліміне өту қажет.

«Халық қатысатын бюджет 2026» жобасының шарттары бойынша бір адам сайттың басты бетіндегі «пайдалы сілтемелер» кіші бөліміндегі «Халық қатысатын бюджет 2026» бөлімінде, сондай-ақ eGov Mobile мобильді қосымшасы арқылы Семей қаласы әкімдігінің интернет-ресурсында бір жобаға дауыс бере алады.

Сондай-ақ, ХҚБ жобасының бір немесе басқа жобасына дауыс бергісі келетін адамның тіркелуін тексеру механизмі қосылды, егер бұл адам ХҚБ жобасының объектісі орналасқан ауданда тіркелген болса ғана жобаға дауыс беруге болады. Тексеру адамның тұрақты және уақытша тіркелуі бойынша жүзеге асырылады.

50-ден аз тұрғын дауыс берген жобалық ұсыныстарды іске асырылмайды.

1. Тіркелген пайдаланушылар үшін: тіркелгіңіздің астындағы сайтқа кіріп, таңдалған жобаның жанындағы «дауыс беру» түймесін басыңыз. Алдыңғы кезеңдердің барлығын орындағаннан кейін Сіздің дауысыңыз тіркеледі;
2. Тіркелмеген Пайдаланушылар үшін: таңдалған жобаның жанындағы «дауыс беру» батырмасын басыңыз, содан кейін ЭЦҚ пайдалана отырып тіркеліңіз.

Бұдан әрі eGovMobile мобильдік қосымшасы арқылы жобалық ұсынысқа дауыс беру бойынша қадамдық нұсқаулық берілген.

Ұсынысты қалай беруге болады:

1. eGov Mobile қосымшасына кіріңіз;
2. Басты бетте «Қызметтер» блогына өту керек;
3. «Басқа қызметтер» батырмасын басыңыз;
4. Ашылған бетте тізімнен «Халықтың қатысу бюджеті» таңдау керек;
5. Қажетті қаланы таңдаңыз;
6. Әрі қарай, «Ұсыныстарды жіберу» өрісін таңдау керек, Сіздің алдыңызда сұраулар пайда болады, олардың кез келгенін басқан кезде сіз қажетті ақпаратпен таныса аласыз;
7. «Ұсыныс жіберу» батырмасын басыңыз, содан кейін барлық қажетті өрістерді толтырыңыз және файлдарды тіркеңіз;
8. Қатысу ережелерімен және капчамен танысу өрісіне құсбелгі қойыңыз
9. «Ұсыныс жіберу» батырмасын басыңыз

Ұсыныс жіберілгеннен кейін Сіздің өтініміңіз тіркеледі және оған нөмір беріледі.

Қалай дауыс беруге болады:

1. eGov Mobile қосымшасына кіріңіз;
2. «Халықтың қатысу бюджеті» сервисіне өтіңіз;
3. Сіз 2 жолмен дауыс бере аласыз:

3.1 Жобалар тізімінің бетінде Сізге ұнаған жобадағы «ұнату» белгішесін басыңыз;

3.2 Жоба бетіне өтіп, «Дауыс беру» түймесін басыңыз.

Әрі қарай, сіздің дауысыңыз таңдалған жобадағы ағымдағы есептегішке қосылады.

Пайдаланушы ХҚБ жобаларының бүкіл тізімінен тек бір жобаға дауыс бере алатынын ескеріңіз, сондықтан таңдау кезінде мұқият болу керек. Берілген дауысты жою мүмкін емес.

Белгілі бір жобаны іздеудің қарапайымдылығы үшін таңдалған критерийлер бойынша жобаларды көрсететін сүзу бар.

Байланыс телефондары:  «Абай облысы Семей қаласының тұрғын үй-коммуналдық шаруашылық бөлімі» ММ, тел:  8222360035