Қалада шағын автобустар жаңартылуда

Жолаушылар тасымалының сапасын арттыру мақсатында қалада шағын автобустарды жаңа автобустарға ауыстыру жұмыстары жүргізілуде.

Жаңарту жұмыстарын «Таксомоторный парк» ЖШС тасымалдаушысы жүзеге асырып жатыр. Жаңа автобустар тұрғындар арасында сұранысқа ие №16, №18 және №55 бағыттарында қатынайды.

10 бірлік жаңа автобустар кондиционерлермен және бейнебақылау жүйелерімен жабдықталған. Ертеңнен бастап жаңа автобустар желіге шығып, жолаушыларға штаттық режимде қызмет көрсете бастайды.

Биыл саяжайларға қатынайтын автобустарды кезең-кезеңімен жаңарту жоспарланған. Сол маршруттардың бірі – №18 бағыт.