Құқық бұзушылықтың алдын алу жөніндегі отырыс өтті

Әкім аппаратының басшысы Еркен Беркеновтің төрағалығымен құқық бұзушылықтың алдын алу жөніндегі ведомствоаралық комиссияның кезекті отырысы өтті. Жиынға аудандық бөлімдердің басшылары, құқық қорғау органдарының қызметкерлері, сондай-ақ мемлекеттік мекемелер мен тиісті сала өкілдері қатысты.
Отырыстың күн тәртібінде 2025 жылғы қылмыстық ахуалдың жай-күйі мен оның қорытындылары талқыланды. Сонымен қатар «102» жедел желісіне келіп түскен құқық бұзушылықтар туралы хабарламалардың саны, сипаты және олар бойынша қабылданған шаралар қаралды.
Сондай-ақ қоғамдық көліктердегі қауіпсіздікті арттыру, жол-көлік оқиғаларының алдын алу, тұрғындардың қауіпсіздігін қамтамасыз ету мақсатында атқарылып жатқан жұмыстар баяндалды.
Жиын қорытындысы бойынша құқық бұзушылықтың алдын алу шараларын жүйелі түрде жалғастыру жөнінде бірқатар тапсырмалар жүктелді.