Мұрат саяжайының қордаланған мәселесі шешілмек
Қала әкімі Әділет Қожанбаев Мұрат саяжайының тұрғындарымен қала әкімдігінде кездесу өткізді. Жиынға тиісті бөлім басшылары мен мердігер ұйымдардың өкілдері қатысты.
Мұрат саяжайының басты мәселесі – электр желісін орнату. Бүгінде саяжайға 6 трансформатор орнатылып, құжаттар әзірленуде.
Сонымен қатар, Бобровка және Мұрат саяжайларында жалпы ұзындығы 35 шақырым болатын электр желілері тартылып, 7000 үйді қамтыды (Бобровка – 5000 үй, Мұрат – 2000 үй).
«Мұрат саяжайының тұрғындарымен сайлау алды бағдарламам кезінде кездесу өткізген едім. Мәселелеріңіз назар тыс қалған емес. Сіздермен әрқашан байланыстамыз», – деді Әділет Қожанбаев.
Және кездесу барысында жолдарды жөндеу, қоғамдық көлік сынды мәселелер де айтылды. Қала әкімі тұрғындардың сұрақтарына жауап беріп, көтерілген мәселелердің бақылауда екенін атап өтті.