Тұрғын үй қатынастары

Ақпарат

Қазақстан Республикасының «Тұрғын үй қатынастары туралы» Заңына сәйкес, 2025 жылғы 24 мамырдан бастап тұрғын үйге кезектілікті жүргізу және тұрғын үйді бөлу функциялары жергілікті атқарушы органнан «Отбасы банк» АҚ-ына берілді.

Берілген сәттегі жағдай бойынша Семей қаласы бойынша тұрғын үйге мұқтаж азаматтар есебінде 13 057 адам кезекте тұрды.

Оның ішінде:

• көпбалалы отбасылар – 1 895;
• жетім балалар – 1 715;
• әлеуметтік осал санаттағы азаматтар – 4 615;
• мемлекеттік қызметшілер, бюджеттік ұйым қызметкерлері – 4 766;
• жалғыз тұрғын  үйі  апатты деп танылған Қазақстан  Республикасының  азаматтары – 66.

2025 жылы Отбасы банкке бөлу үшін барлығы 327 жалдамалы пәтер берілді.

2025 жылдың басынан бүгінгі күнге дейін мемлекеттік тұрғын үй қорынан 925 азамат тұрғын үйін жекешелендірді.

Жекешелендіру қағидаларына сәйкес, Семей ядролық сынақ полигонында жүргізілген ядролық сынақтардың салдарынан зардап шеккен Қазақстан Республикасының азаматтары, I және II топтағы мүгедектер тұрғын үйді тегін жекешелендіруге құқылы.

Осы санатқа жатпайтын әлеуметтік осал топтағы азаматтар тұрғын үйді 10–15 жыл мерзімге бөліп төлеу арқылы, тұрғын үй құнының 10 %-ын бастапқы жарна ретінде төлеп алады.

Тұрғын үй кезегінде тұрған азаматтар «Отбасы банк» АҚ арқылы жүзеге асырылатын 2023–2029 жылдарға арналған тұрғын үй-коммуналдық инфрақұрылымды дамыту тұжырымдамасы аясындағы «2-10-20» және «5-10-20» мемлекеттік бағдарламаларына қатысуға құқылы.

2025 жылы ипотекалық бағдарламалар бойынша барлығы 605 сатып алу-сату шарты рәсімделді.

2025 жылы бастапқы жарнаны жабу үшін 191 тұрғын үй сертификаты берілді.