Семей қаласында жалпы ұзындығы 756 км болатын 1 179 көше бар. Абай облысы құрылғанға дейін қала жолдарының тек 36%-ы, яғни 272,16 км асфальтбетон жамылғысымен қамтылған болатын.

2024 жылдың соңына қарай бұл көрсеткіш 47%-ға (355,32 км) дейін ұлғайтылды.

2025 жылдың қорытындысы бойынша асфальтталған жолдардың үлесі 51%-ға жеткізілді.

2025 жылы атқарылған негізгі жұмыстар

• Жоспарланған іс-шаралар аясында жалпы ұзындығы 43 км болатын 48 көшеде орташа жөндеу жұмыстары жүргізілді. Жұмыстарды «Гордорстрой» ЖШС және «Көкпекті жолдары» ЖШС мердігер ұйымдары орындады.
• Семей қаласындағы аспалы көпірдің жүріс бөлігінде асфальтбетон жамылғысын толық ауыстыру арқылы орташа жөндеу жұмыстары жүргізілді. Мердігер ұйым — «Аламан Строй Групп» ЖШС. Жалпы 29 885,6 м² асфальтбетон жамылғысы төселді.
• Қаланың сол жағалау бөлігіндегі көлік айрығында орташа жөндеу жұмыстары орындалды. Жұмыстарды «Семей механикалық зауыты» ЖШС атқарды.
• Автогужевый көпірінде жүріс бөлігінің асфальтбетон жамылғысын толық ауыстыру арқылы ағымдағы жөндеу жұмыстары аяқталды. Мердігер ұйым — «Семей механикалық зауыты» ЖШС. Төселген жабынның жалпы ауданы 12 499 м² құрады.
• 40 аула аумағында аулалық өткелдер мен ішкі кварталдық жолдарды асфальттау жұмыстары жүргізілді. Қаланың сол жағалау бөлігінде жұмыстарды «Семей механикалық зауыты» ЖШС, ал оң жағалау бөлігінде «Гордорстрой» ЖШС орындады.
• Қаланың 88 көшесінде жолдарды профилдеу (грейдерлеу), сондай-ақ қиыршық тас және құм-қиыршық тас қоспасымен төсеу жұмыстары жүргізілді. Мердігер ұйым — «Зеленстрой Семей» ЖШС.
• 1 500-ден астам жол белгісі, сондай-ақ 15 жасанды жол кедір-бұдыры орнатылды.
• 25 көшеде жалпы ұзындығы 13 км болатын тротуарлар салынды, бұл жаяу жүргіншілер үшін қауіпсіздік пен қолайлылық деңгейін арттыруға мүмкіндік берді.
• Қала көшелерінде 152 автобус аялдама павильоны орнатылды.
• Жалпы ауданы 1 120 м²-ден астам жаяу жүргіншілер қоршауы, сондай-ақ шамамен 990 м² көлемінде доңғалақ тоқтатқыш қоршаулар орнатылды.

Қарағайлы ықшамауданында салынған жаңа көше Омбы – Майқапшағай автомобиль жолын Энергетик ықшамауданымен байланыстыратын болады. Қазіргі уақытта аталған учаскеде жол таңбаларын салу жұмыстары жүргізілді.

Жол қозғалысы қауіпсіздігін қамтамасыз ету мақсатында 1 060 ағашқа санитарлық және қалыптастырушы бұтақ кесу жұмыстары жүргізілді.

Қоғамдық көлік жүйесі

Қаланың маршруттық желісіне сәйкес Семей қаласында 44 қалалық және қала маңы бағыттары (маршруттары) жұмыс істейді. Маршруттарға қызмет көрсету жолаушылар мен багажды тұрақты автомобиль көлігімен тасымалдауды ұйымдастыру жөніндегі шарттарға сәйкес жүзеге асырылады.

Жұмыс күндері желіге 330 көлік бірлігі, ал сенбі, демалыс және мереке күндері 253 көлік бірлігі шығарылады.

Тасымалдар үлкен, орта және шағын сыйымдылықтағы автобустармен жүзеге асырылады.

Қалалық маршруттарға қызмет көрсететін тасымалдаушылар

• «Таксомоторный парк» ЖШС — 13 маршрут;
• «Семавтопарк» ЖШС — 4 маршрут;
• «Авто Транс Семей» ЖШС — 23 маршрут;
• «EcoBus QK» ЖШС — 2 маршрут;
• Пинчук Г. В. ЖК — 1 маршрут.

Қала маңы бағытына «АрМад» ЖК қызмет көрсетеді.

Жылжымалы құрам (жоспарлы шығу)

Күн сайын жоспар бойынша желіге 330 жылжымалы құрам бірлігі шығуы тиіс, оның ішінде:

• 112 үлкен сыйымдылықтағы автобус;
• 83 орта сыйымдылықтағы автобус;
• 134 шағын сыйымдылықтағы автобус.

2025 жылғы 1 тамыздан бастап 10-шы Юность тұйық көшесі – туберкулез диспансері бағытындағы №10 маршрут ұйымдастырылды.

График саны — 10 бірлік.

Қозғалыс аралығы:

• жұмыс күндері — 14 минут;
• демалыс күндері — 18 минут.

Маршруттар бойынша қозғалыстың орташа тұрақтылығы 75–80% деңгейінде. Семей қаласында жолаушылар тасымалына қатысатын барлық автобустар GPS-трекерлермен жабдықталған (қозғалысты «Bus Report» стационарлық бағдарламасы және «InfoBus» мобильді қосымшасы арқылы бақылау мүмкіндігі бар).

Сонымен қатар барлық автобустар валидаторлармен жабдықталған, бұл жолаушыларға жолақыны электрондық түрде немесе екінші деңгейлі банктердің мобильді қосымшалары арқылы төлеуге мүмкіндік береді.

Көлік қолжетімділігі мен экологиялық талаптарға сәйкес, сатып алынатын үлкен сыйымдылықтағы барлық автобустар мүгедектігі бар азаматтарға бейімделген.

Жылжымалы құрамда аялдамаларды автоматты түрде дыбыстау жүйесі, бейнебақылау камералары, сондай-ақ онлайн бейнежазба тарату жүйесі ұйымдастырылған.

Автобус паркін жаңарту

• 2024 жылы тасымалдаушылар 90 жаңа автобус сатып алды;
• 2025 жылы жоспарланған 60 бірліктің орнына 62 автобус сатып алынды, оның ішінде 15 шағын сыйымдылықтағы және 45 үлкен сыйымдылықтағы автобус.

Жолаушылар ағыны

2025 жылы барлығы 47 824 532 жолаушы тасымалданды, оның ішінде:

• «Авто Транс Семей» ЖШС — 27 397 980 жолаушы;
• «Таксомоторный парк» ЖШС — 10 651 234 жолаушы;
• «Семавтопарк» ЖШС — 7 495 286 жолаушы;
• «EcoBus QK» ЖШС — 1 636 822 жолаушы;
• Пинчук Г. В. ЖК — 643 210 жолаушы.

Семей қаласына облыс орталығы мәртебесі берілген 2022 жылдан бастап жолаушылар ағынының өсуі келесідей қалыптасты:

• 2022 жыл — 29 109 365 жолаушы;
• 2023 жыл — 42 513 604 жолаушы;
• 2024 жыл — 44 345 717 жолаушы;
• 2025 жыл — 47 824 532 жолаушы.

Жолаушылар санының тұрақты өсуіне байланысты субсидия көлемінің тапшылығы сақталуда.

2026 жылға жоспар

Жолаушылар мен багажды тасымалдау сапасын арттыру мақсатында, сондай-ақ жылжымалы құрамды жаңарту бойынша шарттық міндеттемелерді орындау үшін тасымалдаушыларға ресми хаттар жолданды:

• «Авто Транс Семей» ЖШС — ескі автобустарды ауыстыру үшін 20 үлкен сыйымдылықтағы автобус сатып алу;
• «Таксомоторный парк» ЖШС — барлығы 29 автобус, оның ішінде 10 шағын, 19 үлкен сыйымдылықтағы;
• «Семавтопарк» ЖШС — барлығы 8 автобус, оның ішінде 1 шағын, 7 үлкен сыйымдылықтағы;
• «EcoBus QK» ЖШС — 2 үлкен сыйымдылықтағы автобус сатып алу.

2026 жылға жалпы 59 автобус сатып алу жоспарланған.