Абай облысының «УК ЮНИС» ЖШС тігін кәсіпорны «Қазақстанның Үздік Тауары» Республикалық байқауының «Өндірістік мақсаттағы үздік тауарлар» номинациясы бойынша жеңімпазы атанды. Тігін кәсіпорны 25 жылдан астам тарихы бар және бүгінгі күні Абай облысында халық, күш құрылымдары үшін шұлық және трикотаж бұйымдарын өндіретін жалғыз кәсіпорын және тоқылған мектеп формасын, халыққа арналған жоғарғы трикотаж бұйымдарын, күзет құрылымдарына арналған тігін бұйымдарын шығаратын бірнеше кәсіпорынның бірі болып табылады.