Өңір әкімі Нұрлан Уранхаев бастаған Абай облысының делегациясы СУАР ірі өнеркәсіп орталығы-Үрімші қаласына барды. Сапар аясында кәсіпкерлер, бизнес өкілдері және басқарма басшылары өңірлер арасындағы ұзақ мерзімді ынтымақтастықтың перспективаларын және инвестициялық жобаларды іске асыруды талқылады.
🔝Сапар аясында "Сан Бао" Шыңжаң сауда-өнеркәсіп корпорациясы " ЖШС ірі компаниясының басшыларымен кездесу өтті. Бұл корпорация Қытайдағы экспорттық-импорттық сауда, Шетелдегі құрылыс нысандарында мердігерлік, өндіріс және өңдеу, қойма және логистика, туристік сауда қызметтерін ұсынатын ірі сауда кешендерінің бірі болып табылады.