2025 жылдың 22 наурызында қаланың орталық алаңында Наурыз мейрамы кең көлемде атап өтілді.

Іс-шара Абай облысының мыңдаған тұрғындарын біріктіріп, ұлттық дәстүрлер мен өңірдің технологиялық жетістіктері де көрсетілді.

Көпшіліктің ерекше назарын «Abai IT-Valley» технологиялық кластерінің резиденттері аударды. Бұл кластер Alikhan Bokeikhan University, IT-стартаптардың халықаралық технопаркі – «Astana Hub» және Қазақстан Республикасының Цифрлық даму, инновациялар және аэроғарыш өнеркәсібі министрлігінің қолдауымен құрылған.

Көрмеде IT-мамандар басқару жүйелері, цифрлық платформалар, ұлттық ойыншықтар, қазақ болмысын дәріптеуге арналған компьютерлік және мобильді ойындар, сондай-ақ өңір тұрғындарының өмір сапасын жақсартуға бағытталған жобаларын ұсынды.

«Abai IT-Valley» Абай облысының Цифрлық технологиялар басқармасымен бірлесіп, Президент айқындаған цифрландыру жөніндегі мемлекеттік саясатты жүзеге асыруда. Alikhan Bokeikhan University кластердің ғылыми әрі білім беру тірегіне айналып, білікті мамандар даярлап, инновациялық шешімдер әзірлеуде. Биыл Абай облысының Цифрлық технологиялар басқармасы мен университет жас IT-таланттарды қолдауды күшейтті. Бұл өңір мен елдің технологиялық дамуына оң әсерін тигізуде. Кластер резиденттерінің жобалары халық арасында қолданысқа енуде.

«Abai IT-Valley»-дің мерекеге қатысуы дәстүр мен технологияның үйлесімін көрсетті. Жергілікті тұрғындар көктемнің келуін тойлап жатқан сәтте, кластер өз жобаларын таныстырып, Абай облысында цифрлық технологиялардың дамып келе жатқанын нақты дәлелдеді.