Абай облысының мәдениет, тілдерді дамыту және архив ісі басқармасы    Қазақстан Республикасында тіл саясатын дамытудың 2023 – 2029 жылдарға арналған тұжырымдамасын іске асыру жөніндегі Абай облысының 2023-2029 жылдары аралығындағы   іс-қимыл жоспарын жүзеге асыру мақсатында 2024 жылға арналған іс-шаралар жоспарының 24-тармағы негізінде 2024 жылғы 1 сәуірден 1 мамыр аралығында «Сыртқа ілсең жарнама, ана тілін қорлама!» айлығын жариялайды.

Айлықтың негізгі мақсаты Тілдік негізде кемсітушіліктің кез келген түрінің алдын ала отырып, Қазақстан Республикасының «Қазақстан Республикасындағы тіл туралы» 1997 жылғы 11 шілдедегі № 151 Заңының 21-бабы негізінде деректемелер мен көрнекi ақпарат тiлiн біріздендіру болып табылады.

Аталған айлық шеңберінде облыстың қалалары мен аудандарында бизнес субъектілері көрнекі ақпарат пен жарнама тілінде Тіл туралы заңнама талаптарының сақталуына монитринг жасалып, түсіндіру жұмыстары  жүргізілетін болады.