Абай облысында «Тіл – татулық туы» фестивалі өтті
Қазақстан халқының тілдері күніне орай Абай облысының мәдениет, тілдерді дамыту және архив ісі басқармасының ұйымдастыруымен облыстық «Тіл – татулық туы» атты фестиваль болып өтті. Шара республикалық іс-шаралар жоспары аясында, сондай-ақ ұлт ұстазы Ахмет Байтұрсынұлының туған күніне орай ұйымдастырылды.
Фестиваль аясында мазмұндық әрі танымдық іс-шаралар, атап айтқанда, Абай атындағы театр әртістерінің Ахмет Байтұрсынұлының өмірі мен шығармашылығына арналған театрландырылған қойылымы, кітап көрмесі ұйымдастырылды.
Шараны ашып, облыс әкімінің орынбасары М. Раханов құттықтау сөз сөйледі.
Іс-шараға облыс көлемінде мемлекеттік тілді кеңінен насихаттап, оның дамуына үлес қосып жүрген тіл жанашырлары, қазақ тілі мен әдебиеті пәнінің ұстаздары, зиялы қауым өкілдері және студенттер қатысты.
Мемлекеттік тіл саясатының дамуына үлес қосып жүрген мамандар ҚР Ғылым және жоғары білім министрлігінің Құрмет грамотасымен:
- «Абай облысы Бородулиха аудандық мемлекеттік және басқа тілдерді оқыту орталығы» коммуналдық мемлекеттік мекемесінің директоры - Атаева Мейрамгүл Балабайқызы;
- «Абай облысы Семей қаласының мәдениет және тілдерді дамыту бөлімі» ММ бас маманы- Бүркітбаева Анаргүл Ұлықбекқызы;
ҚР Ғылым және жоғары білім министрлігінің Алғысхатымен:
- «Абай облысы Көкпекті ауданының мемлекеттік және басқа тілдерді оқыту орталығы» КММ директоры- Омарбекова Арайлым Досбергенқызы;
- «Бесқарағай ауданының тілдерді оқыту орталығы» КММ әдіскер-оқытушысы- Ташиева Маржан Нұрмағанбетқызы;
- Абай облысы, Курчатов қаласының тілдерді оқыту орталығы» КММ нің директоры, қазақ тілі оқытушысы- Темірбекова Айнаш Мәдениетқызы марапатталды.
Сонымен қатар тілжанашырлары Абай облысы әкімінің және облыстық мәдениет, тілдерді дамыту және архив ісі басқармасы басшысының Алғыс хаттарына ие болды
- «Ахмет Байтұрсынұлы» төсбелгісімен – тіл жанашыры, «Әдебиет», «ҰЛТ KZ» порталының авторы Әбіл-Серік Әліәкбар;
- «Түріксой» медалімен – абайтанушы ғалым Асан Омаров, ақындар мектебінің жетекшісі Дәметкен Омарбаева марапатталды.
Фестивальде «Qazaqsha» мобильді қосымшасы таныстырылып, «Жарнама – тіл тазалығының көрінісі» байқауы қорытындыланды. Әр түрлі номинацияларда Семей, Үржар, Жарма, Курчатов кәсіпорындары жеңімпаз атанды. Қазақ тілін насихаттаушылар қатарында А. Қажымұқанова, Д. Насирова, Д. Кенжеғазин және тағы басқа тіл жанашырлары құрметке ие болды.
Іс-шара концерттік бағдарламаға ұласты.