Колледж басшыларының іс-сапары: кәсіби бағдар және жүйелі жаңғыру жолында

Колледж басшыларының 2 күндік іс-сапары аясында Ақсуат, Жарма және Көкпекті аудандарында ата-аналар мен оқушылармен маңызды кездесулер өтті. Кездесу барысында кәсіби бағдар беру жұмыстары жүргізіліп, жастарға болашақ мамандықты дұрыс таңдаудың маңыздылығы түсіндірілді.

Сонымен қатар, іс-сапар аясында көшпелі директорлар кеңесі ұйымдастырылды. Кеңесте білім беру ұйымдарының даму бағытына қатысты өзекті мәселелер кеңінен талқыланды. Атап айтқанда:

• оқу орындарының ұйымдастырушылық-құқықтық нысанын трансформациялау;
• білім беру бағдарламаларын әзірлеу тетіктері;
• мемлекеттік колледждердің меншік нысанын МКҚК-дан ШЖҚ-ға ауыстыру механизмдері;
• бюджеттен тыс қаражатты тиімді басқару;
• қызметкерлер еңбекақысындағы икемділік;
• құзыреттілік орталықтарын коммерциялық бірлік ретінде дамыту;
• активтерді басқару және туындайтын мәселелер;
• колледждер ассоциациясын құру мүмкіндігі.

Кеңес қорытындысы бойынша тиісті қаулы қабылданып, алдағы жұмыс бағыттары айқындалды.

Бұл бағыттағы жұмыстар алдағы уақытта да жалғасын табатын болады.