Су тасқынының алдын алу іс-шаралары аясында Баскөл ауылдық округінің Башкөл ауылы көшелерінде қар шығару жұмыстары жүргізілді.

Аталған жұмыстардың негізгі мақсаты – қардың еру кезеңінде су басу қаупінің алдын алу, тұрғын үйлер мен әлеуметтік нысандардың қауіпсіздігін қамтамасыз ету. Қар шығару барысында ауыл ішіндегі негізгі көшелер мен су жүретін аумақтарға ерекше назар аударылды.

Бұл бағыттағы жұмыстар алдағы уақытта да жалғасып, жағдай тұрақты бақылауда болады. Су тасқынының алдын алу – тұрғындардың қауіпсіздігін қамтамасыз етудегі маңызды міндеттердің бірі.