«Жасқанат» жазғы лагерінде жасөспірімдермен өткен профилактикалық кездесу

    Бесқарағай ауданының аумағындағы «Жасқанат» балалар жазғы лагерінде полиция қызметкерлерінің жасөспірімдермен профилактикалық кездесуі ұйымдастырылды.

    Іс-шараға Бесқарағай аудандық полиция бөлімінің қоғамдық қауіпсіздікті қамтамасыз ету бөлімшесінің учаскелік полиция инспекторы полиция капитаны Д. Еркінбеков және мемлекеттік автоинспектор А. Закенов қатысты. Жазғы маусымның басталуына байланысты құқық қорғау органдарының қызметкерлері оқушылардың тіршілік қауіпсіздігін қамтамасыз етуге бағытталған түсіндірме әңгіме жүргізді. Жасөспірімдердің жеке қауіпсіздігін қамтамасыз ету мақсатында жол жүру ережелерін қатаң сақтауға және қоғамдық орындарда өзін-өзі ұстау тәртібіне ерекше назар аударылды.

    Сонымен қатар, спикерлер балалардың интернет кеңістігіндегі қауіпсіздігі, сондай-ақ жасөспірімдер арасындағы буллинг пен суицидтік мінез-құлықтың алдын алу сияқты өзекті тақырыптар бойынша дәріс оқыды.

    Кездесу соңында полиция қызметкерлері сұрақ-жауап сессиясын өткізіп, оның барысында кәмелетке толмағандар өздерін қызықтырған барлық тақырыптар бойынша егжей-тегжейлі түсініктемелер алды.