«Ата Заң – Тәуелсіздігіміздің тұғыры» атты іс-шара өтті

Қазақстан Республикасы Конституциясының 30 жылдығына орай Орталық аудандық кітапханада «Ата Заң – Тәуелсіздігіміздің тұғыры» атты танымдық іс-шара ұйымдастырылды. 

Шараға арнайы қонақ ретінде Бесқарағай ауданының №16 Өрт сөндіру бөлімінің және Төтенше жағдай бөлімінің қызметкерлері отбасыларымен бірге қатысты. 

Бағдарлама аясында интеллектуалдық викторина, «Әуенді тап» музыкалық ойыны және кітапхана ішіне экскурсия ұйымдастырылды. Қатысушылар Ата Заң туралы білімдерін ортаға салып, балалар мен ересектер бірге қызықты әрі мазмұнды уақыт өткізді. 

Шара соңында қонақтарға естелік сыйлықтар табысталып, балаларға тәттілер үлестірілді. Қонақтар іс-шараның тәрбиелік мәнін атап өтіп, кітапхана ұжымына алғыстарын білдірді.