Жаңа жылдық отшашуды пайдалану кезіндегі қауіпсіздік ережелері

Жаңа жылдық отшашуды пайдалану кезіндегі қауіпсіздік ережелері

Жаңа жыл – көпшілік үшін қуанышты сәт, бірақ ол сонымен қатар қауіпсіздік шараларын қатаң сақтауды талап етеді. Отшашулар мен пиротехникалық құралдар мерекенің ажырамас бөлігі болып табылады, алайда оларды дұрыс пайдаланбау түрлі жағымсыз оқиғаларға алып келуі мүмкін. Сондықтан жаңа жылдық отшашуларды қауіпсіз қолданудың бірнеше маңызды ережелерін ұстану қажет.

Қауіпсіздік талаптары:

• Пиротехниканы дауылды, желді ауа райында қолдануға тыйым салынады;
• Кәмелетке толмаған азаматтар отшашуды тек ересектермен бірге тұтатып, тамашалауы қажет;
• Тамашалайтын адамдар қауіпті аймақтан алыста, шамамен 30-50 метр қашықтықта тұруы қажет;
• Пиротехниканы ұруға, оттың жалынына қол тосуға болмайды;
• Пиротехниканы шылым шегіп тұрып қолдануға тыйым салынады;
• Пиротехниканы алкогольді мас күйде тұтатуға болмайды;
• Егер отшашу бірден тұтанбаса, оған бірден жақындауға болмайды. Кемінде бір минут күту қажет (тұтанбай қалған отшашуды қайта жағуға болмайды);
• Отшашуларды салқын әрі құрғақ жерде сақтау керек (ылғалданып қалған жағдайда оны фен не басқа да жылыту құрылғыларымен құрғатуға тыйым салынады).

 

Жаңа жылдық отшашулар мерекенің ажырамас бөлігі болғанымен, оларды пайдаланғанда әрдайым қауіпсіздік ережелерін сақтауды ұмытпаңыз. Қарапайым, бірақ маңызды ережелерді орындау арқылы сіз өзіңізді және жақындарыңызды қауіптен сақтай аласыз.

 

Ақсуат ауданының Төтенше жағдайлар бөлімі