Ақсуат ауылында аудандық төтенше жағдайлар бөлімі жаңа өрт сөндіру техникасымен толықты

Игілікті шарада аудан әкімі Ерсін Кәдірбекұлы құттықтау сөз сөйлеп, облыс әкімі Берік Уәлиұлының тапсырмасымен, азаматтық қорғау жүйесін дамытуға ерекше назар аударылып отырғандығын, бүгінгі іс-шара соның айқын дәлелелі екендігін атап өтті.

Сонымен қатар, өрт сөндіру кілтін арнайы табыстауға келген Абай облыстық төтенше жағдайлар департаменті басшысының бірінші орынбасары, азаматтық қорғау подполковнигі Алимкин Данияр Сәкенұлына өз алғысын білдірді.

Сондай-ақ, ізгі лебізін айтқан Ақсуат ауданы өрт сөндіру мекемесінің зейнеткері Сайлаубаев Бауыржан Қалтайұлы бұл тек техникалық жаңару ғана емес, халықтың қауіпсіздігін күшейтуге жасалған нақты қадам екендігіне тоқталды.