Жаңасемей ауданы Озерка ауылдық округіндегі «Алимба» жинақтаушы тоғанын тазалау жұмысы жүргізілді

Абай облысы ауыл шаруашылығы басқармасына қарасты  «Абай су қоймалары» КММ қызметкерлері 26 тамыз күні тоғанды тазалау бойынша маңызды жұмыс жүргізді. Негізгі назар су өткізгіш құбырларға аударылды.

Ынтымақтастық арқасында құбырлар ашылып, су еркін ағуына мүмкіндік берілді және аумақтың су басу қаупі төмендетілді. Бұл жұмыс тоғанның экожүйесін сақтау мен тұрғындардың қауіпсіз әрі жайлы ортасын қамтамасыз ету үшін аса маңызды.