Абай: тарих пен құндылықтар арқылы тәрбиелеу

Абай облысы бойынша Экономикалық тергеп-тексеру департаментінің қызметкерлері қарамағындағы интернат тәрбиеленушілерімен бірге Семей қаласының өлкетану мұражайына барды. Экскурсия барысында қатысушылар аймақтың бай тарихи-мәдени мұрасымен танысты, Абай облысының қалыптасуының маңызды кезеңдері, қоғамдық құндылықтарды қалыптастырған көрнекті тұлғалар мен дәстүрлер туралы білді. ЭТД қызметкерлері бейресми жағдайда тәрбиеленушілермен сөйлесіп, заңды сақтаудың, жеке жауапкершіліктің және өмір жолын дұрыс таңдаудың маңыздылығын атап өтті.