«Халық заңгері» акциясы аясындағы кеңестер

Абай облысы бойынша Экономикалық тергеп-тексеру департаменті қызметкерлері республикалық «Халық заңгері» акциясына қатысты. Іс-шара барысында тұрғындарға өзекті мәселелерді шешуге қатысты заңгерлік кеңестер мен ұсыныстар берілді.

Негізгі көтерілген тақырыптар – кәсіпкерлердің құқықтарын қорғау, салық мәселелері және қаржылық алаяқтықпен күрес. Азаматтарға сотқа дейінгі реттеу жолдары, құқықтық қорғау тетіктері мен құқық бұзушылықтардың алдын алу шаралары түсіндірілді.

Аталған акцияға қатысу – қаржылық мониторинг органдарына деген сенімді нығайту және құқықтық сауаттылықты арттыру бағытындағы жүйелі жұмысының бір бөлігі.