Абай облысы бойынша Мемлекеттік еңбек инспекциясы департаменті

«Қазақстан Республикасы Еңбек және халықты әлеуметтік қорғау министрлігі Мемлекеттік еңбек инспекциясы комитетінің Абай облысы бойынша департаменті» республикалық мемлекеттік мекемесі Қазақстан Республикасы Еңбек және халықты әлеуметтік қорғау министрлігі Мемлекеттік еңбек инспекциясы комитетінің аумақтық бөлімшесі болып табылады. Өз құзыреті шегінде Абай облысының аумағында еңбек, оның ішінде еңбек қауіпсіздігі және еңбекті қорғау саласындағы, Қазақстан Республикасының халықты жұмыспен қамту саласындағы заңнамасын іске асыру және бақылау функцияларын жүзеге асыратын өкілеттіктер болып табылады.

Департаменттің негізгі міндеттері:

1)өз құзыреті және тиісті әкімшілік-аумақтық бірлік шегінде еңбек саласындағы мемлекеттік саясатты, оның ішінде еңбек қауіпсіздігі мен еңбекті қорғауды, халықты жұмыспен қамту саласындағы заңнаманы іске асыру;

2) өз өкілеттіктері шегінде Қазақстан Республикасының еңбек заңнамасының, оның ішінде еңбек қауіпсіздігі және еңбекті қорғау талаптарының, Қазақстан Республикасының халықты жұмыспен қамту саласындағы заңнамасының сақталуына мемлекеттік бақылауды ұйымдастыру.

3) Қазақстан Республикасының еңбек заңнамасы мәселелері бойынша жұмыскерлер мен жұмыс берушілердің өтініштерін, өтініштері мен шағымдарын қарау.