Мемлекеттік еңбек инспекциясы департаментінде құрылыс объектілеріндегі тік бақылауды ұйымдастыру мәселелері қаралды

2026 жылғы 26 маусымда Абай облысы бойынша Мемлекеттік еңбек инспекциясы департаментінде өңірдің құрылыс ұйымдарының өкілдерінің қатысуымен жұмыс кеңесі өтті.

Кездесудің негізгі тақырыбы Қазақстан Республикасы Еңбек кодексінің 184-бабының 6-тармағын қолдану мәселесі болды. Аталған норма бір құрылыс алаңында бірнеше ұйым бір мезгілде жұмыс жүргізген жағдайда еңбек қауіпсіздігі және еңбекті қорғау жөніндегі іс-шараларды үйлестіруді реттейді.

Кеңес барысында қатысушыларға тік бақылау қағидаттары түсіндірілді. Оған сәйкес бас мердігер құрылыс процесіне қатысушылардың қауіпсіз өзара іс-қимылын ұйымдастырады, еңбек қауіпсіздігі және еңбекті қорғау жөніндегі іс-шараларды үйлестіреді әрі бірыңғай қауіпсіздік талаптарының сақталуын қамтамасыз етеді.

Сонымен қатар, әрбір мердігер ұйым өз жұмыскерлері үшін қауіпсіз еңбек жағдайларын қамтамасыз етуге, нұсқамалар өткізуге, оқытуды ұйымдастыруға, жеке қорғаныш құралдарымен қамтамасыз етуге және еңбек қауіпсіздігі мен еңбекті қорғау саласындағы заңнама талаптарын сақтауға дербес жауапты болып қала береді.

Өндірістік жарақаттанудың алдын алу және қауіпсіз еңбек жағдайларын қамтамасыз ету Департамент қызметінің басым бағыттарының бірі болып қала береді.