Көлік саласына арналған үлгілік еңбек шарты
Бұл шарт көлік құралдарын басқарумен және тасымалдау қызметімен байланысты жұмыскерлердің еңбек қызметінің ерекшеліктерін ескере отырып әзірленген.
Шартта:
- жол қозғалысы ережелерін сақтау және көлік құралдарын қауіпсіз пайдалану міндеттері;
- тиісті санаттағы жүргізуші куәлігінің болуына қойылатын талаптар;
- міндетті алдын ала рейстік медициналық тексерулерден өту тәртібі;
- көлік құралдарының техникалық жағдайын бақылау және ақаулар туралы хабарлау міндеттері;
- жұмыскердің материалдық жауапкершілігі;
- кезекшілік кестесі, түнгі жұмыс және жұмыс уақытын жинақтап есептеу ерекшеліктері;
- жол үстіндегі еңбек жағдайларының ерекшеліктері;
- жанар-жағармай материалдарын есепке алу және пайдалану тәртібі;
- жүріп-тұру сипатындағы жұмысқа байланысты қосымша кепілдіктер мен өтемақылар;
- көлік құралын және азаматтық жауапкершілікті сақтандыру мәселелері көзделген.