Туризм әлем халқы үшін танымал сала ғана емес, сонымен қоса ең жылдам дамып келе жатқан сала. Оның өсу қарқыны экономиканың басқа салаларының өсу қарқынынан 2 есе дерлік алда. Түйінді көрсеткіштер жағынан, оның ішінде инвестициялық салымдардың тиімділігі жағынан, туризмді мұнай өндіру өнеркәсібімен салыстыруға болады.
Қазақстандағы туризм саласына Қазақстан Республикасы Мәдениет және спорт министрлігінің Туризм индустриясы комитеті басшылық етеді.
Туризмді қарқынды дамыту үшін 2019 жылы Қазақстан Республикасы Үкіметі туристік саласын дамытудың 2019 – 2025 жылдарға арналған Мемлекеттік бағдарламасын қабылдады. Бағдарламаның мақсаты- туристер қызығатын орындарды дамыту және еңбек ресурстарын туризм саласына жаппай тарту, сыртқы және ішкі туристік ағынды түбегейлі өсіру, қолайлы туристік ахуал құру арқылы туристік салаға инвестицияларды ұлғайту, ішкі және халықаралық нарықтарда Қазақстанның туристік әлеуетін танымал ету, елдің туристік саласын толыққанды институттандыру арқылы туристік көрсетілген қызметтер мен өнімдердің қолжетімділігін және сапасын, сондай-ақ халықтың өмір сапасының деңгейін арттыруға бағытталған.
Сондай-ақ, Туризм индустрия комитетінің қарауында «Kazakh Tourism» ұлттық компаниясы» акционерлік қоғамы және «Халықаралық туризм және меймандостық университеті» коммерциялық емес акционерлік қоғамы бар.
«Kazakh Tourism» ҰК» АҚ 2017 жылы елімізде өткізілген көптеген сәтті іс-шаралардан кейін Қазақстанды туристік бағыт ретінде әлемдік деңгейде ілгерілету мақсатында құрылған. Қоғам елдің туризм бойынша бренд-менеджері.
«Халықаралық туризм және меймандостық университеті» КЕАҚ құрудың мақсаты - халықаралық стандарттарды біріктіру жолымен туризм саласында кадрларды даярлаудың халықаралық моделін енгізуді көздейді. Қазақстандағы халықаралық деңгейдегі бейіндік тұңғыш университет мыңдаған болашақ студенттерге туризм және меймандостық саласындағы әлемдік деңгейдегі мамандар үшін өз есігін ашады.
Туристік бизнестің нақты қажеттілігі ескерілген «3+1» сызбасы бойынша арнайы әзірленген университеттің 4 жылдық білім беру бағдарламасының нәтижесінде, алдыңғы қатарлы халықаралық тәжірибеге сүйене отырып және Еуропа, Орталық Азия елдерінің жетекші жоғары оқу орындарымен бірлескен білім беру бағдарламаларының негізінде түлектеріміз халықаралық үлгідегі қос диплом алады (қазақстандық және шетелдік серіктес ЖОО). Бұл олардың әлемнің кез-келген жерінде өз мамандығы бойынша еш кедергісіз жұмыс істеуіне мүмкіндік береді.
Мекен-жайы | 010000, Қазақстан Республикасы, Астана қаласы, Есіл ауданы, Мәңгілік ел даңғылы 8, ”Министрліктер үйі”, 15 – кіреберіс |
Телефон | 8 (7172) 74-29-80 |
kense.tourism@tsm.gov.kz |