Қазақстан Республикасындағы Адам құқықтары жөніндегі Уәкіл жанындағы Сарапшылық кеңестің отырысы өтті

12 сәуірде Қазақстан Республикасындағы Адам құқықтары жөніндегі уәкілдің кеңсесі Сарапшылық кеңестің кезекті отырысын өткізді.

Іс-шара барысында Кеңес мүшелері Сарапшылық кеңестің 2024 жылға арналған жұмыс жоспарын нақтылау бойынша ұсыныстарды қарады. Осылайша жоспар Уәкілдің қызметінің негізгі бағыттарын іске асыруға бағытталған жалпы шараларды, консультативтік-сараптамалық, талдау және ғылыми-зерттеу қызметін, халықаралық ғылыми-тәжірибелік конференцияларды өткізуді қамтитын қызметтің үш бағытын қарастырады. Ағымдағы жылдың соңына дейін барлығы 23 іс-шара жоспарланған.

Сонымен қатар Сарапшылық кеңес мүшелері жұмыс жоспарын іске асыруға қатысты қосымша ұсыныстар мен ұсынымдарды алға тартты. Жиналыс қорытындысы бойынша кеңес жаңартылған жоспарды бекітті.

Еске салайық, Қазақстан Республикасындағы Адам құқықтары жөніндегі уәкіл жанындағы Сарапшылық кеңес қоғамдық негізде жұмыс істейтін консультативтік-сараптамалық функцияларды жүзеге асыратын консультативтік-кеңесші орган болып табылады.