Бағдат Мусин Эр-Риядта өткен LEAP 2024 форумына қатысты

Қазақстан Республикасының Цифрлық даму, инновациялар және аэроғарыш өнеркәсібі министрі Бағдат Мусин Ар-Риядтағы LEAP Digital форумына қатысты. Министр өз сөзінде отандық GovTech әзірлемелері мен Қазақстанның цифрландыруы туралы айтты.

«Жаһандық мойындау ретінде Қазақстан БҰҰДБ және AWS институтының «Future Government Award» номинациясында ТОП-3 ретінде жоғары бағаланды, сонымен қатар осы жылы Дубайда өткен Дүниежүзілік үкімет саммитінде «Инклюзивті цифрлық трансформация» номинациясы бойынша ТОП-1-ге ие болдық. Бүгінгі таңда Қазақстанның электрондық үкіметі негізгі элементтері бар супер қосымша болып саналады: цифрлық нотариалды куәландыруға арналған «eNotary», үкіметпен жедел байланысу үшін «eOtinish», жеке медициналық деректерге қол жеткізуге арналған «eDensaulyk», салықты басқаруға арналған e-salyk және көптеген сервистер», - деп атап өтті Бағдат Мусин.

Форумға «Ұлттық ақпараттық технологиялар» АҚ, «Astana hub» халықаралық IT-стартаптар технопаркі және т.б. сияқты қазақстандық компаниялар қатысты.

LEAP зерттеу, өзара әрекеттесу, желіні құру және соңғы технологиялық әзірлемелерді ашу үшін жаһандық технологиялық қауымдастықты біріктіреді. Іс-шара мыңдаған халықаралық технологиялық көрме қатысушыларын, жетекші басшыларды және сарапшы спикерлерді біріктіретін ең соңғы және ең үздік технологияны көрсетеді.

LEAP 2024 DeepFest-пен бірге өткізіледі. DeepFest – ой көшбасшыларын, инноваторларды, үлкен технологияларды, деректерді зерттеушілерді, академиялық ортаны, стартаптарды және бизнес-инновацияларды басқаратын кәсіпкерлерді біріктіретін жаһандық жасанды интеллект экожүйесінің басты кездесу орны.