2019 жылғы 23 мамырдан бастап Ұлттық киноны қолдау мемлекеттік орталығы ұлттық фильмдер деп танылуға үмітті киножобалардың іріктеуді бастайды. Өтінімді 2019 жылғы 1 маусымға дейін беруге болады.
Ұсынылған өтінім және оған қоса берілген құжаттар өтінімдерді қабылдау мерзімі аяқталғаннан кейін 5 (бес) жұмыс күні ішінде мынадай жағдайларда қараусыз қайтарылады:
1) өкілетті органға көрсетілген мерзімнен кейін түскенде;
2) авторлар Ұлттық фильмдер деп танылуға үмітті киножобаларды шығару бойынша мемлекеттік қаржылыққолдау көрсету үшін оларды іріктеу қағидаларының 5-тармағына сәйкес келмейтін құжаттарды ұсынғанда;
3) авторлар анық емес және бұрмаланған ақпарат ұсынғанда.
Сараптама кеңесінің отырысы 2019 жылғы 3-7 маусым аралығында өткізіледі.
Іріктеу нәтижелері www.filmkazakhstan.com сайтында жарияланады.