Облыс әкімі Құмар Іргебайұлы Ақсақаловтың қатысуымен Білім басқармасының алқа отырысы өтті, онда білім беру жүйесін дамытудың маңызды мәселелері қаралды.

Білім басқармасының алқа отырысы

Облыс әкімі Құмар Іргебайұлы Ақсақаловтың басшылығымен Білім басқармасының алқа отырысы өтті, онда білім беру жүйесін дамытудың маңызды мәселелері қаралды.

Басқарма басшысы Айман Елеманқызы Ибраева өз сөзінде облыстың білім беру жүйесі бірнеше маңызды бағыттар бойынша дамып келе жатқанын атап өтті.

Мысалы, интернет желісінің жылдамдығын арттыру бойынша жұмыс жалғасуда, мектептерді заманауи жабдықтармен жарақтандыруға, сондай-ақ педагогтардың біліктілігі мен білім сапасын арттыруға бағытталған өзекті жобалар іске асырылуда. Оқу процесінің қауіпсіздігі, ауылдарда тасымалдау, кадр резерві, мектептердің мемлекеттік нормативке сәйкестігі мәселелері қаралды.

Тағы да барлық деңгейлер сабақтастығында мемлекеттік тілде білім беруді дамытудың аса маңызды міндеті белгіленді.

Қостанай қаласының білім беру жүйесін дамытудың міндеттері мен перспективалары облыстық орталықтың білім бөлімінің басшысы Гүлсім Әділханқызы Уразбаеваның баяндамасында көрініс тапты.

Рудный қаласының Б. Майлин атындағы №7 мектеп-гимназиясының директоры Қымбат Исланбекқызы Бірманова рухани құндылықтар мен ұлттық дәстүрлерді қалыптастыру арқылы мектеп жұмысына «Біртұтас тәрбие» бірыңғай тәрбие бағдарламасын енгізу туралы айтып берді.

Техникалық және кәсіптік білім беру жүйесіндегі әлеуметтік әріптестік перспективалары мәселесін Жітіқара политехникалық колледжінің директоры Марат Әбділхасымұлы Аблаев атап өтті.

Алқа қорытындысы бойынша облыс әкімі Құмар Іргебайұлы Ақсақалов білім беру сапасын арттырудың маңыздылығын, бұл үшін барлық жағдай жасалғанын атап өтіп, өңірдің білім беру жүйесін одан әрі дамыту мақсатында басқарма басшылары мен қалалар мен аудандар әкімдерінің орынбасарларына бірқатар тапсырмалар берді.