Енді Kaspi.kz мобильді қосымшасында жалпыға бірдей декларациялау бойынша декларацияны тапсыруға болады

Маңғыстау облысы бойынша Мемлекеттік кірістер департаментінің Түсіндіру жұмыстары және Байланыс орталығы басқармасы ағымдағы жылдың сәуір айында қолданыстағы электрондық сервистермен қатар Kaspi.kz мобильді қосымшасында жаңа ыңғайлы сервис іске асырылғанын хабарлайды. Онда жеке тұлғалар 250.00-нысанды активтер мен міндеттемелер туралы декларацияны ұсына алады.

Естеріңізге сала кетейік, 2024 жылғы 1 қаңтардан бастап жалпыға бірдей декларациялаудың үшінші кезеңі басталды. Биыл дара кәсіпкерлер, заңды тұлғалардың басшылары, құрылтайшылар (қатысушылар), сондай-ақ олардың жұбайлары «кіру» декларациясын (250-00-нысан) ұсынуға  міндетті.

2025 жылғы 1 қаңтардан бастап осы декларацияны халықтың қалған санаттары ұсынуға міндетті.

Халыққа ыңғайлы болу үшін Салық төлеушінің кабинеті, (cabinet.salyk.kz), «Электрондық үкімет» порталы (egov.kz), «e-Salyq Azamat» мобильді қосымшасы, Halyk, bcc.kz және Kaspi.kz банктердің мобильді қосымшалары арқылы декларацияны тапсыруға арналған электрондық сервистер іске қосылды.

Kaspi.kz мобильді қосымшасында 250.00-нысанды декларацияны тапсыру туралы толығырақ «Гид» бөлімінен оқысаңыз болады.

Декларацияларды тапсыру мерзімі – 2024 жылғы 15 қыркүйекке  дейін.