✅Заң медицина қызметкерлерін қолдау үшін қабылданды. Түзетулер лайықты еңбек жағдайларын қамтамасыз етуге және олардың қоғамдағы маңызды рөлін тануға бағытталған.

✅Заңда не жазылған? Бірінші - медицина қызметкерлерінің тұрғылықты жері бойынша мектепке дейінгі ұйымдарда өз балалары үшін басым тәртіппен орын алуға құқығы бар Медицина қызметкерлері заңсыз араласудан және кәсіби қызметке кедергі келтіруден қорғалуға құқылы.

✅Еліміздің денсаулық сақтау саласына қосқан үлесі үшін көрнекті медицина қызметкерлері үшін алғаш рет "Қазақстанның еңбек сіңірген дәрігері" құрметті атағы енгізілді

✅Үшінші - медицина қызметкерлері артық есептілік пен ақпарат беруден босатылады.

✅Заң кем дегенде 5 жыл мерзімге ауылдық жерге жұмысқа келген медицина қызметкерлері, аса тапшы мамандықтар үшін ең төменгі жалақының жүз еселенген мөлшерінде біржолғы төлемдерді көздейді.

✅ Заң шегілмейтін темекі бұйымдарын, вейптерді, оларға арналған хош иістер мен сұйықтықтарды сатуға, таратуға және жарнамалауға тыйым салады. Бұл халықтың арасында жаман әдеттердің таралуына қарсы күрестегі маңызды қадам.

Қолданыстағы иммундау бағдарламасының көмегімен елде соңғы жылдары сырқаттанушылықтың төмендеуі байқалды:
•⁠ ⁠қызамық 2 мың есе (1998 жылы 15346 жағдайдан 2023 жылы 7 жағдайға дейін),
•⁠ ⁠паротит 211 есе (1998 жылы 5490 жағдайдан 2023 жылы 26 жағдайға дейін).
Мұндай деректерді бүгін Алматыда Еуропалық иммундау апталығы шеңберінде өткен Халықаралық конференцияға қатысушылар келтірді.

Сонымен қатар, "В" гепатитінің жағдайлары - 1998 жылы 3943 жағдайдан 2023 жылы 39 жағдайға дейін, 101 еседен астам, ал туғаннан бастап 1998 жылы 953 жағдайдан 2023 жылы 3 жағдайға дейін вакцинациялауды бастаған балалардың арасында төмендеді.

Дифтерия (2009 жылдан бастап), полиомиелит (1996 жылдан бастап) жағдайлары тіркелген жоқ. Сіреспе, көкжөтелдің жекелеген жағдайлары тіркелуде, олар негізінен (83% дейін) вакцинацияланбаған адамдардың арасында тіркелген.

2024 жылы жатыр мойны обырының қоздырғышы адам папилломасы вирусына қарсы вакцинациялау Ұлттық вакцинациялау күнтізбесіне енгізілді. Жатыр мойны обыры - әлемдегі әйелдерде таралушылығы бойынша 4-ші орындағы обыр болып табылады. Жыл сайын әлемде 604 мың жаңа диагноз қойылған жағдай және жатыр мойны обырынан 342 мың өлім тіркеледі.

Қазақстанда жылына 1900 жаңа жатыр мойны обыры жағдайы анықталады және 600-ге жуық әйелдің өмірін құтқару мүмкін емес. Сондықтан Қазақстан Республикасының Ұлттық күнтізбесіне адам папилломасы вирусына қарсы вакцинациялауды енгізу еліміздің болашақ ұрпағының денсаулығын қорғаудағы маңызды қадам болып табылады.

Атырау және Батыс Қазақстан облыстарына жұмыс сапары барысында ҚР Денсаулық сақтау вице - министрі - Бас мемлекеттік санитариялық дәрігер Айжан Есмағамбетова бірқатар медициналық ұйымдарға барып, су тасқыны жағдайында өңірдегі эпидемиологиялық жағдаймен танысты, су тасқыны аймақтарында санитариялық талаптарды сақтау бойынша бірқатар ұсыныстар берді.

Сондай-ақ, ол су тасқыны кезінде халыққа берілетін суды жинауды, тазартуды және зарарсыздандыруды қамтамасыз ететін өңірлердің су шаруашылығы кәсіпорындарының жұмысымен танысты.

Бас санитариялық дәрігер уақытша орналастыру пункттерінде санитариялық-эпидемиологиялық қызмет кезекшілігінің барысын тексерді, онда санитариялық талаптарды сақтауға, тамақтану жағдайларын қадағалауға, жаппай тамақтан уланудың алдын алуға ерекше назар аударуды тапсырды.

Сонымен қатар, А. Есмағамбетова су тасқынына қарсы іс-шаралар бойынша облыстық штабтардың отырыстарына қатысып, ауыз судың сапасына, аумақтарды тазартуға, су жинау құрылыстарын, септиктерді және өзге де эпидемиялық маңызы бар объектілерді жууға және дезинфекциялауға ерекше назар аударды.

А. Есмағамбетова Жылыой ауданындағы аудандық емхана мен ауруханада, Құлсары қаласында орналасқан эвакуациялық пунктте болды.

Атырау облысы Денсаулық сақтау басқармасының басшысы Қайсар Әбдалиев өз кезегінде вице-министрге Құлсары қаласында, Қосшағыл елді мекенінде және Жаңа Қаратон кентінде эвакуацияланған тұрғындарға тиісті медициналық көмек көрсетілетінін хабарлады.  Шұғыл операция жасауды қажет ететін пациенттер мен жүкті әйелдер Бейнеу аудандық ауруханасына жіберіледі.

Сапар барысында Айжан Есмағамбетова инфекциялық аурулардың профилактикасы бойынша бірқатар ұсынымдар енгізді. Ол Құлсары қаласында су айдау үшін техника санын көбейту қажеттігін атап өтті.

Сонымен қатар, вице-министр балалардың арасында "А" гепатитіне қарсы вакцинациялау жүргізуді тапсырды. Бүгінгі күні барлық медициналық ұйымдарда су басқан елді мекендерде  медициналық алғашқы көмек көрсету жөніндегі іс-шаралар жоспары, су тасқыны кезеңінде төтенше жағдайлардың алдын алу және олардың салдарын жою жөніндегі жоспар әзірленді.

Қостанай облысына жұмыс сапары барысында Денсаулық сақтау вице-министрі Жандос Бүркітбаев су басқан бірқатар елді мекендерге барды.

Жалпы, Қостанай облысында жарияланған ТЖ режимі шеңберінде су тасқыны кезеңінде зардап шеккендерге шұғыл медициналық көмек көрсету мақсатында жедел медициналық көмек қызметтерінің, стационарлардың қабылдау бөлмелерінің және МСАК (медициналық -санитариялық алғашқы көмек) қызметтерінің жұмысы күшейтілді.

Облыста Қарасу, Қостанай, Бейімбет Майлин аудандық ауруханалары, сондай-ақ Рудный, Арқалық және Қостанай қалаларындағы медициналық ұйымдар штаттық режимде жұмыс істеуде.

Су басқан, сондай-ақ су басуға бейім өңірлердегі жүкті әйелдердің саны 2 898 әйелді құрайды. Жүкті әйелдерді туыстарына эвакуациялау кезінде медицина қызметкерлері МСАК-қа уақытша тұрғылықты жері туралы актив береді, кейіннен осы емхананың қызметкерлері әйелдерді уақытша есепке алуға және одан әрі бақылауға алады.

Қостанай қаласында білім беру нысандарда 72 эвакуациялық пункт ұйымдастырылған.

Эвакуациялық пункттердегі тұрғындарды медицина қызметкерлері күнделікті негізде тексереді.
Медициналық және дәрілік көмекпен қамтамасыз ету мәселелері жедел шешілуде.

Денсаулық сақтау вице-министрі Ақтөбе облысының су басқан аудандарындағы ауылдық денсаулық сақтау нысандарын аралап, халыққа медициналық көмек көрсету жағдайымен танысты.

Денсаулық сақтау бірінші вице-министрі Тимур Сұлтанғазиев жұмыс сапарымен Ақмола облысына барды.

Ол су тасқынына қарсы іс-қимыл жөніндегі жедел штабтың отырысына қатысып, өңірдің эвакуациялық пункттері мен медициналық мекемелерінде болды.

Денсаулық сақтау бірінші вице-министрі өңірге сапарын облыстық балалар ауруханасы мен көпбейінді қалалық аурухананың жанындағы инфекциялық аурулар орталығына барудан бастады. Ол медициналық ұйымдардың материалдық-техникалық жабдықтарымен танысып, дәрігерлермен және пациенттермен әңгімелесті.

Денсаулық сақтау басқармасының басшысы Нұрлан Ахылбеков баяндағандай, барлығы облыс бойынша сыйымдылығы 12 мың адам болатын 268 эвакуациялық пункт, оның ішінде Көкшетау қаласы бойынша сыйымдылығы 2500 адам болатын 22 эвакуациялық пункт дайындалды. Бүгінгі таңда 2766 адам эвакуацияланды.

«Эвакуациялық пункттерде эвакуацияланған зардап шеккендер мен медициналық көмекке жүгінгендер жоқ, созылмалы аурулары бар жоқ және «Д» есебінде тұрған адамдар базалық препараттармен қамтамасыз етілген, медициналық бақылауда. Эвакуациялық пункттердегі жағдай медициналық ұйымдардың бақылауында», - деп атап өтті Нұрлан Ахылбеков.

Барлық медициналық ұйымдар штаттық режимде жұмыс істеуде.
Осы кезеңде су басуға ұшыраған денсаулық сақтау нысандары жоқ. Ақмола облысы бойынша тәулік бойы 88 жедел жәрдем бригадасы жұмыс істеуде.

Сонымен қатар, Тимур Сұлтанғазиев Бурабай ауданының Атамекен ауылындағы дәрігерлік амбулаторияға барды. Бүгінгі таңда барлық медициналық ұйымдарда су басқан елді мекендерде медициналық алғашқы көмек көрсету жөніндегі іс-шаралар жоспары, су тасқыны кезеңінде төтенше жағдайлардың алдын алу және олардың салдарын жою жөніндегі жоспар және облыстың азаматтық қорғау қызметтерімен өзара іс-қимыл жоспары әзірленді.

Сондай-ақ, денсаулық сақтау бірінші вице-министрі Бурабай ауданы Макинск қаласындағы тұрғындарды уақытша орналастыру пунктінде болды. Ол су басқан ауыл тұрғындарының денсаулығын бақылау және оларға медициналық қызметтердің толық пакетін ұсыну бойынша бірқатар тапсырмалар берді.

Барлық медициналық ұйымдар, оның ішінде жолдарды су басып кетуге байланысты қолжетімділігі жоқ елді мекендердегі медициналық ұйымдар штаттық режимде жұмыс істеуде, дәрілік заттардың бір айлық қоры қамтамасыз етілген, шұғыл медициналық көмекке қызмет көрсету ТЖ қызметімен өзара іс-қимыл бойынша жүргізіледі, су тасқынына қарсы штабтармен және эвакокомиссиялармен байланыс орнатылған.

Бүгін Астана қаласында «Қазақстандағы этикалық донорлық» семинары өтті, оның алаңында сарапшылар ағза донорлығы мен трансплантаттаудың заңдық және этикалық негіздерін, ДДҰ-ның басшылық қағидаттарын талқылады, сондай-ақ ағымдағы жағдайды және Қазақстандағы ұлттық трансплантаттау бағдарламасын іске асырудағы негізгі қиындықтарды қарастырды.

«Трансплантологияның даму деңгейі денсаулық сақтау жүйесі мен медициналық қызметтер сапасының дамуының өзіндік индикаторы болып табылады, өйткені ағзаларды сәтті трансплантаттау құқықтық база, дайындалған адам ресурстары, техникалық мүмкіндіктер және елде қалыптасқан донорлық мәдениет болған кезде ғана жүзеге асырылады.

Трансплантаттау соңғы онжылдықтардағы, соның ішінде Қазақстан үшін де медицинадағы ең маңызды серпіліс болды, бұл пациенттердің өмірін көптеген жылдарға ұзартуға мүмкіндік береді және көбінесе емдеудің жалғыз тәсілі болып табылады», - деді ҚР ДСМ Медициналық көмек көрсету департаментінің директоры Ұлықбек Медеубеков.

Денсаулық сақтау министрлігінің өкілі атап өткендей, Қазақстан ағзаларды трансплантаттау бойынша жоғары технологиялық операцияларды жүргізу үшін дамыған заманауи инфрақұрылымға ие.

Отандық мамандар жүректі, бауырды, бүйректі, өкпені трансплантаттауды жоғары деңгейде жүргізеді және трансплантаттау нәтижелері әлемдік стандарттарға сәйкес келеді.

Қазақстанда ағза донорлығы мен ағзаларды трансплантаттаудың тиімді ұлттық жүйесін дамыту үшін 2012 жылы Трансплантаттауды және жоғары технологиялық медициналық қызметтерді үйлестіру жөніндегі республикалық орталық құрылды.

Қазіргі уақытта елде 7 трансплантаттау орталығы, 40 донорлық ұйым жұмыс істейді, олар қайтыс болғаннан кейін донорды трансплантаттау мақсатында көп ағзаны алуға дайындау бойынша медициналық қызмет көрсетеді.

Бейінді ведомствоның мәліметінше, соңғы 10 жылдың ішінде Қазақстанда 2,5 мыңнан астам ағзаларды трансплантаттау операциясы, бұл ретте 83% жағдайда тірі кезіндегі донордан, 17% жағдайда қайтыс болғаннан кейінгі донордан жүргізілді.

«Трансплантаттау өмірді сақтайды және баламасы жоқ жерде адам өмірінің негізгі функцияларын қалпына келтіреді. Бұл ретте, бар қауіптерді ескере отырып, донорлықтың этикасы мен қауіпсіздігін барынша қамтамасыз ету үшін денсаулық сақтау мамандарын оқытуға баса назар аудару қажет», - деді ДДҰ-ның Қазақстандағы өкілі доктор Скендер Сыла.

Әлемде жыл сайын 115 мыңнан астам ағзаны трансплантаттау жүргізіледі. АҚШ, Испания, Хорватия, Иран сияқты елдерде ауыстырылып қондырылған ағзалардың кем дегенде 85%-ы қайтыс болғаннан кейінгі донорлардан алынған.

Бүгінгі таңда донорлар мен реципиенттердің бірыңғай тізілімінде 4000-ға жуық адам, оның ішінде 104 бала ағзаны трансплантаттауды күтуде, олардың көпшілігі жас және еңбекке қабілетті жастағы адамдар. Реципиенттердің ішінде 3735 адамға бүйрек, 185 адамға бауыр, 144 адамға жүрек, 16 адамға өкпе трансплантаттау қажет.

Қазіргі уақытта Министрлік елімізде трансплантологиялық қызметті дамыту үшін келесі шараларды қабылдауда.

Халықаралық стандарттарға сәйкес келетін материалдық-техникалық база нығайтылды, шетелде және ел ішінде трансплантаттау үйлестірушілері оқытылды, ҚР-да 2023-2025 жылдарға арналған ағза донорлығы және трансплантология қызметін жетілдіру жөніндегі іс-шаралар жоспары әзірленді.

Бүгінгі таңда Қазақстанның 6000-ға жуық азаматы қайтыс болғаннан кейін ағзалардың донорлығына келісім білдірді.

Денсаулық сақтау бірінші вице-министрі Тимур Сұлтанғазиев Солтүстік Қазақстан облысына жұмыс сапары барысында су басқан аймақтардағы тұрғындарға медициналық көмек көрсету жағдайымен танысты.

Бүгінгі таңда Солтүстік Қазақстан облысында 10 мың 300 адам эвакуацияланды, уақытша орналастыру пункттерінде 700 тұрғын бар.

Тимур Сұлтанғазиев қатты су басқан Қызылжар ауданы мен Петропавл қаласының эвакуациялық пункттерінде болды. Мұнда ол медицина қызметкерлерімен әңгімелесіп, дәрі-дәрмек қорларының жеткіліктілігіне көз жеткізді. Бұдан әрі бірінші вице-министр Петропавлдың 1-ші қалалық ауруханасы жанындағы инфекциялық бөлімшенің жұмысымен танысты.

Су тасқыны салдарынан зардап шеккен Заречный кентінің тұрғындары қаланың екі мектебіне орналастырылды. Олар тәулік бойы психологтар мен дәрігерлердің бақылауында.

Бұдан басқа, облыстық перинаталдық орталыққа су басу қаупі төнген шалғай аудандар мен ауылдардан жүкті әйелдер алдын ала жеткізілді. Олар перинаталдық орталықта білікті медициналық көмек алуда.

Жұмыс сапары барысында облыстық әкімдіктің жанынан құрылған Денсаулық сақтау мәселелері жөніндегі аумақтық жедел штабтың отырысы өткізілді. Жиында Тимур Сұлтанғазиев өңір тұрғындарын сапалы медициналық көмекке қолжетімділікпен қамтамасыз етуді тапсырды.

ҚР Денсаулық сақтау министрі Ақмарал Әлназарова Батыс Қазақстан облысына жұмыс сапарымен барды.

Ведомство басшысы Қаратөбе кентіндегі аудандық ауруханаға және 77 адам орналасқан уақытша эвакуациялау пунктінде болды. Министрдің тапсырмасы бойынша әртүрлі созылмалы аурулары бар эвакуацияланған 11 адам стационар немесе санаторий жағдайында емделуге жіберіледі.

Сонымен қатар, ведомство басшысы Орал қаласында орналасқан 12 эвакуациялық пункттің біріне барды. Облыс бойынша су басқан аймақтардан барлығы 13068 адам эвакуацияланды, оның 19-ы мүмкіндігі шектеулі адамдар, 5472-сі балалар. Эвакуацияланғандардың арасында 719 бала, 11 жүкті әйел медициналық бақылауда.

«Су тасқыны салдарын жою, сондай-ақ барлық зардап шеккен адамдарға көмек көрсету мәселелері Мемлекет басшысының бақылауында. Үкімет табиғи апаттардан зардап шеккен адамдарға жан-жақты қолдау көрсетуді жалғастырады. Денсаулық сақтау нысандары сапалы медициналық көмек пен медициналық ресурстарға қол жеткізуді қажет ететіндердің барлығын қамтамасыз етеді. Бұл бәріміз үшін бір-бірімізбен бірігіп, қолдау арқылы жеңетін ортақ сынақ», - деді Ақмарал Әлназарова тұрғындармен кездесуде.

Сапар барысында министр бірқатар медициналық нысандарды: Қаратөбе кентіндегі аудандық аурухана мен Сырым аудандық ауруханасын аралап, пациенттермен кездесті. Ақмарал Әлназарова медицина қызметкерлерінің жұмысын бағалап, пациенттерге сапалы медициналық көмек көрсетуді жалғастыру қажеттігін атап өтті.

Сондай-ақ, сапар барысында министр қалалық кардиология орталығына барды, ондағы пациенттер су тасқыны салдарынан уақытша басқа жерге көшірілді. Қазіргі уақытта олардың барлығы қалалық ауруханада қажетті ем мен бақылауды жалғастыруда.

«Батыс Су Арнасы» ЖШС-на барған кезде Денсаулық сақтау министрлігінің басшысы суды тазартудың технологиялық схемасымен және ауыз судың сапасын бақылау зертханасының жұмысымен танысты. Тазалаудың барлық кезеңдерінде су тек кәсіпорынның өндірістік зертханасы ғана емес, сонымен қатар облыстың санитариялық-эпидемиологиялық қызметі жүзеге асыратын қатаң зертханалық бақылаудан өтетінін атап өткен жөн.

Министр сондай-ақ Ұлттық сараптама орталығының Батыс Қазақстан облыстық филиалының ауыз су мен тамақ өнімдерінің сапасын бақылауда шешуші рөл атқаратын зертханаларының жұмысын бағалады. Мұнда күн сайын су мен азық-түлік үлгілері бойынша зерттеулер жүргізіледі.

Ағымдағы су тасқыны жағдайына байланысты Денсаулық сақтау министрі зертхана мамандарына ауыз судың қауіпсіздігін қамтамасыз ету мақсатында жедел зертханалық зерттеулер жүргізуді тапсырды.

Қазақстан Республикасы Денсаулық сақтау министрлігі су тасқынынан зардап шеккендерге көмек көрсетуді ұйымдастыру жұмысын жалғастыруда. Еліміздің санаторийлік-курорттық ұйымдары да жайбарақат қалмауда.

ҚР Денсаулық сақтау министрлігінің Курортология және медициналық оңалту ҒЗИ қатысуымен көмек шеңберінде зардап шеккендерді тегін қабылдайтын 16 санаторийлік-курорттық ұйым айқындалды. Оның 12-сі Түркістан облысында орналасқан. Сондай-ақ, зардап шеккендерді қабылдауға дайындық туралы Бурабай, Семей, Алматы және Ақтөбе облыстарының Алға кентіндегі санаторийлер мәлімдеді.

Жалпы алғанда, бұл нысандар бір мезгілде 190 адамды қабылдай алады, оңалту курсы 10-нан 14 күнге дейін болады, бұл зардап шеккендерді мүмкіндігінше санаторийлік емдеумен қамтуға мүмкіндік береді.

ҚР Денсаулық сақтау министрлігінің Курортология және медициналық оңалту ҒЗИ жергілікті атқарушы органдарға санаторийлерде дереу орналастыру қажет адамдардың тізімін ұсыну қажеттігі туралы хабарлады.
Су тасқынынан зардап шеккендердің барлығына, соның ішінде балаларға қажетті медициналық көмек және психологиялық оңалту көрсетіледі.