Меню
Страницы
Все материалы
05 декабря 2025
📌Қызылшаға қарсы вакцинация – жалғыз сенімді қорғаныс!
Қызылша – ауа-тамшы жолымен берілетін, жұқпалығы өте жоғары қауіпті вирустық ауру. Инфекция ауыр асқынуларға әкелуі мүмкін: ми қабықтарының қабынуына (энцефалит), өкпенің зақымдануына (пневмония), ортаңғы құлақтың қабынуына (отит). Кейбір жағдайларда ауру өліммен аяқталуы мүмкін.
Қызылшаны арнайы емдеу әдісі жоқ. Аурудың алдын алудың жалғыз тиімді тәсілі – уақытылы вакцинация.Қазақстанда қызылша, қызамық және паротитке қарсы (ҚҚП) біріктірілген вакцина қолданылады. Ол 10 жылдан астам уақыт бойы Ұлттық егу күнтізбесі аясында 1 жас және 6 жастағы балаларға салынуда және өзін сенімді, тиімді әрі қауіпсіз вакцина ретінде көрсетті. Бұл вакцинаның өндірісі Дүниежүзілік денсаулық сақтау ұйымы тарапынан сертификатталған, бұл оның жоғары сапа және қауіпсіздік стандарттарына сай екенін дәлелдейді. Өндіруші — Serum Institute of India Pvt. Ltd. — әлемдегі ірі вакцина жеткізушілердің бірі және өнімдерін 170-тен астам елге экспорттайды.
СҚО-да 2025 жылдың басынан бері қызылшаның 65 расталған жағдайы тіркелді (2024 жылы — 329 жағдай).Аумақтық тиістілігі бойынша:
– Петропавл қаласында 33 жағдай тіркелді;
– 10 жағдай – Уәлиханов ауданында;
– 8 жағдай – Қызылжар ауданында;
– 5 жағдай – Айыртау ауданында;
– 2 жағдай – Мамлют ауданында;
– 3 жағдайдан – Тайынша және Ғ. Мүсірепов аудандарында;
- 1 жағдай – Аққайың ауданында тіркелді.
Аурудың алдын алу үшін екпе алу – қызылшаның ауыр салдарларымен бетпе-бет келгеннен әлдеқайда жеңіл әрі қауіпсіз.Есіңізде болсын: сіздің және балаларыңыздың денсаулығы – өз қолыңызда!02 декабря 2025
Аппараттық кеңесте: мемлекеттік қызметші анты
СҚО санитариялық-эпидемиологиялық бақылау департаментінің кезекті аппараттық кеңесінде Тимирязев аудандық басқармасының санитариялық-эпидемиологиялық бақылау, жоспарлау және қызметті талдау бөлімінің бас маманы Даниял Арманұлы Ғалымжан мемлекеттік қызметші антын қабылдап, өзіне жүктелген қызметтік міндеттерді адал әрі жауапкершілікпен атқаруға дайын екендігін растады.
Департамент басшысы Әсет Жұматаев, Даниял Арманұлын құттықтап, өз сөзінде:«Мемлекеттік қызметші анты – жоғары жауапкершіліктің әрі өз ісіне адалдықтың символы. Алда сізді жаңа кәсіби жетістіктер мен халық игілігі үшін атқаратын жемісті жұмыс күтіп тұрғанына сенімдімін»-деді.
01 декабря 2025
📌АИТВ инфекциясы және оның алдын алу шаралары
1 желтоқсан – халықтың бұл ауру туралы хабардарлығын арттыруды мақсат ететін Дүниежүзілік ЖИТС-ке қарсы күрес күні.Адамның иммун тапшылығы вирусы (АИТВ) – ағзаның иммундық жүйесін зақымдайтын инфекция. АИТВ инфекциясының ең соңғы сатысы – жүре пайда болған иммундық тапшылық синдромы (ЖИТС). Вирус қанның ақ жасушаларын зақымдап, иммундық жүйенің әлсіреуіне әкеледі. Бұл туберкулёз, қатерлі ісіктердің кейбір түрлері және басқа да аурулардың даму қаупін арттырады.АИТВ вирусы осы инфекциямен өмір сүретін адамдардың биологиялық сұйықтықтары – қан, емшек сүті, шәует және қынап бөлінділері арқылы беріледі. Сондай-ақ АИТВ жүкті әйелден балаға жүктілік кезінде және босану барысында жұғуы мүмкін. Ал кәдімгі тұрмыстық қатынастар: сүйісу, құшақтасу, қол алысу, бірлесіп тамақ немесе су пайдалану, жеке заттарды ортақ қолдану арқылы жұқпайды.Қарапайым гигиена ережелерін сақтау да кездейсоқ жұқтырудан қорғай алады. Басқа біреудің тіс щёткасын, ұстарасын және қанның ізі қалуы мүмкін кез келген жеке гигиена құралдарын қолдануға болмайды. Медициналық мекемелерден тыс жерде ине салдырудан, стерильді емес құралдармен татуировка жасатудан және құлақ тесу рәсімдерінен аулақ болу қажет.Вирус адам талғамайды, алайда адам оның алдын алуы мүмкін. Әркімнің АИТВ-ның алдын алу шараларын тұрақты сақтауы не сақтамауы өзіне байланысты.01 декабря 2025
ЖРВИ және тұмаумен сырқаттанушылық бойынша эпидемиологиялық жағдай
2025/2026 жылғы эпидемиологиялық маусымда ЖРВИ–нің 24268 жағдайы тіркелді, өткен жылдың сәйкес кезеңімен салыстырғанда 3,4%-ға төмендеу байқалады (өткен эпидемиологиялық маусым-25130 жағ.). Науқастардың ең көп саны 14 жасқа дейінгі балалар арасында байқалады – 16599 жағ. немесе 68,4%.Соңғы аптада ЖРВИ ауруының 5889 жағдайы тіркелді, өткен аптамен салыстырғанда 33,9%-ға өсім байқалды.Облыста A/H3N2 типті тұмаудың 91 жағдайы тіркелді.
ЖРВИ мен тұмау ауруының негізгі белгілері: жоғары температура, жалпы интоксикация, әлсіздік, тамақ ауруы, мұрын бітелуі.ЖРВИ мен тұмаудың алғашқы белгілері байқалған кезде өзін-өзі емдеуге болмайды, дереу медициналық көмекке жүгіну қажет, дәрігерді үйге шақыру керек, ауруды таратпау үшін науқас баланы балабақшаға немесе мектепке жібермеу керек. Ұзақ мерзімді ауру көбінесе асқынулар тудырады. Олардың ішіндегі ең көп таралғаны және қауіптісі – өкпенің қабынуы.ЖРВИ мен тұмаудың алдын алу үшін: үй-жайды күн сайын желдету, қолды мұқият жуу, антисептик құралдарды пайдалану, аурудың көтерілу кезеңінде адамдар көп жиналатын іс-шаралардан бас тарту не бетперде тағу, иммунитетті нығайту, спортпен шұғылдану және уақытында ұйықтап, тамақтану сапасын бақылау қажет.28 ноября 2025
Солтүстік Қазақстан облысында семинар өтті
2025 жылғы 27 қарашада СҚО санитариялық-эпидемиологиялық бақылау департаменті басшысының орынбасары, әдеп жөніндегі уәкіл С.М. Барменбаевтың төрағалығымен Департамент пен аумақтық басқарма мамандарына арналған семинар өтті. Семинарда мемлекеттік қызметшілердің Әдеп кодексі мен ресми мінез-құлық қағидаларын сақтау, мемлекеттік қызметшілердің деструктивті діни ағымдар қызметіне тартылуына жол бермеу, сондай-ақ сыбайлас жемқорлыққа қарсы шектеулерді бұзудың алдын алу мәселелері қаралды. Баяндамамен Қазақстан Республикасының Мемлекеттік қызмет істері агенттігінің СҚО бойынша департаментінің бақылау басқармасының бас маманыД.С. Ермеков «Мемлекеттік қызметшілердің Әдеп кодексі мен ресми мінез-құлық қағидаларын сақтау» тақырыбында сөз сөйледі.
СҚО Дін істері басқармасының өкілі мемлекеттік қызметшілердің деструктивті діни ағымдар қызметіне тартылуына жол бермеу бойынша атқарылып жатқан іс-шаралар туралы баяндады. Басшының орынбасары, әдеп жөніндегі уәкіл С.М. Барменбаев мемлекеттік қызметшілердің құмар ойындарға, соның ішінде телекоммуникация желілері мен Интернет арқылы өткізілетін ойындарға қатысуына қойылған сыбайлас жемқорлыққа қарсы шектеулерді бұзудың алдын алу туралы айтып өтті.
Кездесу соңында қатысушылар пікір алмасып, өздерін қызықтырған сұрақтарға жауап алды.24 ноября 2025
ЖРВИ және тұмаумен сырқаттанушылық бойынша эпидемиологиялық жағдай
2025/2026 эпидемиологиялық маусымда ЖРВИ-дің 18 623 жағдайы тіркелді. Өткен жылдың сәйкес кезеңімен салыстырғанда сырқаттанушылық 25,9%-ға төмендеген (өткен эпидмаусым – 25 130 жағдай).Аурулардың ең көп тіркелуі 14 жасқа дейінгі балалар арасында байқалады – 12 461 жағдай немесе 66,9%.Апта ішінде ЖРВИ-дің 4 397 жағдайы тіркелді.Облыста маусымдық тұмау және басқа да ЖРВИ вирустарының айналымына мониторинг жүргізілуде. Биыл A/H3N2 типті тұмаудың 45 жағдайы анықталды, оның ішінде 33-і ересектер (73%), 12-сі балалар (27%).Облыста тұмауға жатпайтын вирустар да ацналымда: риновирустар – 9, аденовирустар – 2 жағдай.Тәуекел тобына жататын 60 000 адамға вакцина егілді, бұл жоспарланған адамдардың 100%-ын құрайды.ЖРВИ мен тұмау ауруының негізгі белгілері: жоғары температура, жалпы интоксикация, әлсіздік, тамақ ауруы, мұрын бітелуі.ЖРВИ мен тұмаудың алғашқы белгілері байқалған кезде өзін-өзі емдеуге болмайды, дереу медициналық көмекке жүгіну қажет, дәрігерді үйге шақыру керек, ауруды таратпау үшін науқас баланы балабақшаға немесе мектепке жібермеу керек. Ұзақ мерзімді ауру көбінесе асқынулар тудырады. Олардың ішіндегі ең көп таралғаны және қауіптісі – өкпенің қабынуы.ЖРВИ мен тұмаудың алдын алу үшін: үй-жайды күн сайын желдету, қолды мұқият жуу, антисептик құралдарды пайдалану, аурудың көтерілу кезеңінде адамдар көп жиналатын іс-шаралардан бас тарту не бетперде тағу, иммунитетті нығайту, спортпен шұғылдану және уақытында ұйықтап, тамақтану сапасын бақылау қажет.24 ноября 2025
📌Құтырма – адам үшін өлімге әкелетін қауіп!
Құтырма – табиғи ошақты, аса қауіпті, өліммен аяқталатын ауру. Инфекциялық аурулар арасында құтырма ерекше орын алады, себебі дер кезінде (алғашқы сағаттарда) тиісті көмек көрсетілмесе, науқас сөзсіз көз жұмады. Құтырма емделмейді, өлім тыныс алу салдануынан және жүрек қызметінің тоқтауынан болады. Адам толық есінде жатып, ауыр азаппен қайтыс болады.
Солтүстік Қазақстан облысы құтырманың табиғи ошағы аймағында орналасқан. Біздің облыста табиғи ошақтардың эпизоотиялық белсенділігі қыс-көктем айларында байқалады, бұл кезеңде қауіпті вирус жабайы жануарлар арқылы елді мекендерге жиі енеді. Осылайша иттер, мысықтар, ауыл шаруашылығы жануарлары жұқтырып, адамдарға қауіптілігі артады.Жүргізіліп жатқан белсенді профилактикалық шаралардың арқасында Солтүстік Қазақстан облысында 1998 жылдан бері адамдар арасында құтырма ауруы тіркелген жоқ.Аурудың табиғи резервуары – кеміргіштер. Үй жануарлары құтырманы ауру жабайы жануарлармен байланысудан жұқтырады. Инфекция тасымалдаушылары тек үй және ауыл шаруашылығы жануарлары ғана емес, сонымен қатар жарқанаттар да болуы мүмкін. Негізгі жұқтыру көздері: жабайы жануарлардан – қасқырлар, түлкілер, шибөрілер, еноттәрізді иттер, скунстар, жарқанаттар және кеміргіштер; үй жануарларынан – иттер мен мысықтар.Адамдардың құтырманы жұқтыруы көбіне ауру жануарлар тістегенде немесе сілекей арқылы болады.2025 жылдың 10 айында облыс халқы арасында эпидемиологиялық жағдай тұрақты, құтырмамен ауыру адам арасында тіркелген жоқ. Осы кезеңде облыс бойынша 1469 адам антирабиялық көмекке жүгінген.Вирус жараға сілекей арқылы түсіп, жүйке талшықтары бойымен орталық жүйке жүйесіне таралады. Жұқтырған сәттен бастап ауру белгілерінің пайда болуына дейін бірнеше күннен бір жылға дейін уақыт өтуі мүмкін. Жануарлар тістеген барлық адамдар жара орнын сабынды сумен кемінде 15–20 минут жууы керек, жара жиегін 70% спиртпен немесе 5% йод тұнбасымен өңдеп, медициналық мекемеге тез арада жүгінуі қажет. Медициналық мекемеде құтырмаға қарсы екпе тегін жүргізіледі.Қолданыстағы талаптарға сәйкес иттерді байлауда немесе үйшікте ұстау керек, серуенге шығарарда міндетті түрде қарғыбау мен тұмылдырық тағу қажет. Үй жануарларының қаңғыбас иттермен және жабайы жануарлармен байланысуына жол бермеу керек. Барлық иттерге құтырмаға қарсы вакцина егілуі тиіс.Құтырманың емі жоқ. Аурудың алдын алудың жалғыз жолы – вакцинация! Профилактикалық екпелер ауыртпай жасалады және оңай өтеді. Вакцинация кезеңінде дәрумендер мен ақуыздарға бай тағамдармен қоректену, тоңу мен қызып кетуден, шаршаудан сақтану, алкогольдік ішімдіктерден бас тарту ұсынылады.Вакцинаның тиімділігі оны уақытылы жүргізуге байланысты. Әрбір жіберіп алған күн – өлімге әкелетін қауіп! Өзіңізді қорғаңыз!20 ноября 2025
📌 Қауіпсіз әйнек жуу сұйықтығын қалай таңдау керек?
20 ноября 2025
«QazMed» төрағасының СҚО-ға жұмыс сапары және сала қызметкерлерін марапаттау
2025 жылғы 18 қарашада «QazMed» медицина және онымен сабақтас салалар қызметкерлерінің кәсіподағы» РҚБ төрағасы Әлиақпар Болатұлы Матишев жұмыс сапарымен Солтүстік Қазақстан облысына келді.Ол СҚО санитариялық-эпидемиологиялық бақылау департаментінің және ҚР ДСМ СЭБК «Ұлттық сараптама орталығы» РМК ШЖҚ СҚО филиалының ұжымымен кездесу өткізді.Әлиақпар Матишев «QazMed» кәсіподағының құрылу тарихы мен құрылымы туралы айтып, ұйымның күші оның ашықтығы, айқындығы және мүшелерінің сенімінде екенін атап өтті.
Іс-шара барысында «QazMed» алғашқы кәсіподақ ұйымының Ұлттық сараптама орталығының СҚО филиалы бойынша кәсіподақ ұйымдастырушысы Жансұлу Қошымбайқызы Тасбулатова азаматтардың денсаулығын сақтау ісіне қосқан жеке үлесі мен мінсіз адал еңбегі үшін Қазақстан Республикасының Денсаулық сақтау министрінің «Құрмет грамотасымен» марапатталды.
Сондай-ақ, СҚО санитариялық-эпидемиологиялық бақылау департаментінің басшысы Әсет Тұрғымбекұлы Жұматаев салалық кәсіподақтың «Белсенді қоғамдық жұмысы үшін» медалімен марапатталды.«Ұлттық сараптама орталығы» СҚО филиалының директоры Қайырғали Қапизұлы Исенеев Қазақстан Республикасы Кәсіподақтар федерациясының «Кәсіподақ қозғалысына 120 жыл» мерейтойлық медалімен марапатталды.17 ноября 2025
Санитариялық-эпидемиологиялық қорытындыларды қайта ресімдеу тәртібі туралы түсіндірме
Санитариялық-эпидемиологиялық қорытындыларды қайта ресімдеу тәртібі туралы түсіндірме
Қазақстан Республикасы Денсаулық сақтау министрінің 2020 жылғы 30 желтоқсандағы № ҚР ДСМ-336/2020 бұйрығымен бекітілген
«Санитариялық-эпидемиологиялық қорытындыларды беру бойынша мемлекеттік қызметтер көрсету қағидаларының»
(бұдан әрі – Қағидалар) 33-тармағына сәйкес, санитариялық-эпидемиологиялық қорытындыны (бұдан әрі – СЭҚ) нысанды тексеру
жүргізбей қайта ресімдеу келесі жағдайларда көзделген:
1) құжатта қателердің (баспа қателерінің) анықталуы;
2) Қазақстан Республикасы Азаматтық кодексінің 45-бабына сәйкес заңды тұлғаны қайта ұйымдастыру;
3) объектінің нақты орнын ауыстырмай, мекенжайының өзгеруі;
4) заңды тұлғаның немесе жеке кәсіпкердің атауының өзгеруі;
5) объектінің мақсаты, қызмет түрі, технологиялық процесі, қуаты мен құрылымдық сипаттамалары өзгермеген жағдайда, жұмыс істеп тұрған объектіні басқа тұлға меншігіне алған кезде.
❗Маңызды:
Объект жалға (немесе сенімгерлік басқаруға) берілген жағдайда санитариялық-эпидемиологиялық қорытындыны қайта ресімдеу
көзделмеген. Қайта ресімдеу тек меншік құқығы басқа тұлғаға өткен кезде ғана жүзеге асырылады.
СЭҚ қайта ресімдеу үшін келесі құжаттар ұсынылады:
• белгіленген нысандағы өтініш (Қағидалардың 7-қосымшасына сәйкес);
• тиісті өзгерістерді растайтын құжаттар (сатып алу-сату, сыйға тарту шарты, қайта ұйымдастыру туралы құжат, мекенжай
немесе атау өзгерісі және т.б.) – Қағидалардың 2–5-тармақтарында көрсетілген жағдайларда.
ЖЕКЕ КАБИНЕТТЕ СЭҚ ҚАЙТА РЕСІМДЕУ ФУНКЦИОНАЛЫ БОЛМАҒАН ЖАҒДАЙДА, www.elicense.kz порталы арқылы ЖАҢА ӨТІНІШ беру қажет. Ол үшін келесі бөлімдерді таңдау керек: «Денсаулық сақтау» – «Халықтың санитариялық-эпидемиологиялық салауаттылығы саласындағы нормативтік құқықтық актілерге сәйкестігі туралы санитариялық-эпидемиологиялық қорытынды беру». Одан кейін жүйеде міндетті өрістерді толтырып, қажетті құжаттардың орнына Қағидалардың 7-қосымшасына сәйкес
өтініш нысанын және тиісті өзгерістерді растайтын құжаттарды тіркеу қажет.
Егер www.elicense.kz ақпараттық жүйесі осы жағдайға қатысы жоқ құжаттарды сұратқан жағдайда, жүйеде өтініш беру рәсімін аяқтау үшін бос (скан-көшірме түріндегі) файлдарды тіркеуге рұқсат етіледі.
Социальные сети
Меню подвал