Ақмола облысының Өңірлік коммуникациялар қызметінде 28.03.2024 жылы Ақмола облысы басқарма және өнеркәсіп басшысының орынбасары Ж.О. Айдрахмановтың қатысуымен «Кәсіпкерлікті дамыту: мемлекеттік қолдау шаралары» тақырыбында брифинг өтті.

Шағын және орта бизнес бүгінде 146 мың адам немесе экономикалық белсенді халықтың үштен бірі жұмыспен қамтылған облыс халқының жұмыспен қамтылуының негізгі секторы болып табылады.

Бүгінгі таңда мемлекет бизнесті жүргізу жағдайларын жақсарту және әкімшілік жүктемені азайту бойынша жүйелі шараларды, сондай-ақ кәсіпкерлік секторды ынталандырудың тікелей шараларын іске асыруда. Кәсіпкерлікті дамыту жөніндегі ұлттық жобаның (бұрын – «Бизнестің жол картасы» бағдарламасы) және «қарапайым заттар экономикасы» құралдары аса сұранысқа ие болып қала береді.
Мәселен, өткен жылдың қорытындысы бойынша кәсіпкерлікті дамыту жөніндегі ұлттық жоба шеңберінде 10,8 млрд. теңге сомасына 640 бизнес жобасына қолдау көрсетілді.
Мемлекеттік бағдарламаларды іске асыру өңдеу өнеркәсібінде, ауыл шаруашылығында, көлік саласында, халыққа түрлі қызметтер көрсетуде және басқа да салаларда бизнесті ашуға және кеңейтуге ықпал етті.
Нәтижесінде, 2023 жылы жұмыс істеп тұрған шағын және орта бизнес субъектілері санының 3082 бірлікке немесе 6% - ға өсуі байқалады, 7 969 жаңа жұмыс орны құрылды.
Бүгінгі таңда шағын және орта бизнесті қолдау және дамыту бойынша бірыңғай кешенді бағдарлама әзірленді, ол БЖК және ҚЗЭ бағдарламаларын біріктіруді көздейді. Ондағы басты назар бәсекеге қабілетті, импортты алмастыратын және экспортқа бағдарланған салаларды дамытуға аударылды. Үкімет басшысы атап өткендей, отандық кәсіпкерлерді қолдау үшін ауқымды жұмыстар жүргізілуде. Осылайша, қабылданған шаралардың арқасында елдің ЖІӨ-дегі шағын және орта бизнестің үлесі 36,5% - ға дейін өсті, ал 2030 жылға қарай бұл көрсеткіш 40% - ға дейін өсуі тиіс.
Бүгінгі таңда осы бағдарлама шеңберінде шағын және орта бизнес субъектілері кредиттер сыйақысының пайыздық мөлшерлемесін субсидиялау, кредиттерге ішінара кепілдік беру, гранттық қаржыландыру және жетіспейтін инженерлік инфрақұрылымды жүргізу түріндегі мемлекеттік қолдау шараларын пайдалана алады.

Барлық сұрақтар бойынша көрсетілген нөмірлер бойынша хабарласуға болады: 24-00-08, 24-0013, 24-00-15.